الماتىدا اۆتوبۋس جولاۋشىلارىنىڭ قالتاسىن قاعىپ جۇرگەن 3 ايەل ۇستالدى. بۇل تۋرالى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ ايتتى، دەپ حابارلايدى “ادىرنا” ۇلتتىق پورتالى.
كۇدىكتىلەر №85 باعىتتاعى اۆتوبۋستا جاسالعان قىلمىستان كەيىن قولعا تۇسكەن. سول جەردە ولاردىڭ جولاۋشىنىڭ قالتاسىنان قۇجاتتارى مەن اقشاسى سالىنعان ءامياندى سۋىرىپ العانى بايقالىپ قالعان.
“قازىر سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەر – 1989 جىلى تۋعان ك.ەسىمدى، 1989 جىلى تۋعان ۆ. ەسىمدى جانە 2000 جىلعى ۆ. ەسىمدى الماتى وبلىسىنىڭ تۇرعىندارى. قازىر ۇستالعانداردىڭ وسىعان ۇقساس باسقا دا قىلمىستارعا قاتىسىنىڭ بار-جوعى انىقتالىپ جاتىر. اتالعان دەرەك بويىنشا قىلمىستىق ءىس سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى، – دەدى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
ۇستالعان 3 ادامنىڭ ەكەۋى بۇرىن دا بىرنەشە رەت قالتا ۇرلىعى بويىنشا سوتتى بولعان.
”ادىرنا” ۇلتتىق پورتالى
