بەلگيادان تۋعان اناسىن ىزدەپ كەلگەن قازاق بالاسى جانىبەك قازاق ءتىلىن ۇيرەنىپ ءجۇر، دەپ حابارلايدى "ادىرنا" ءتىلشىسى جانىبەكتىڭ جەكە پاراقشاسىنا سىلتەپ.
Jani Eddy J Saveliev ەسىمدى ازامات تۋعان اناسىن ىزدەپ قازاقستانعا كەلگەن بولاتىن. ەل ىشىندە جانىبەك اتالعان قازاق بالاسى الەۋمەتتىك جەلىدەگى پاراقشاسىندا جازبا جاريالادى.
ول جەلىدەگى ۆيدەوسىن قازاقشا دىبىستاپ، ءماتىنىن دە قازاقشا جازعان.
ارمانىم تەرەڭ مۇحيتقا سۇڭگۋ بولاتىن. سوڭعى بىرنەشە كۇندە ديپلوم الدىم. قازاقشا سويلەۋ ارقىلى سىزدەردى وزىممەن بىرگە ارمانىما اپارعىم كەلەدى. قازاقستان جانە قازاق حالقى مەنىڭ ءومىرىمدى وزگەرتتى. مەن ءسىزدى وزىممەن بىرگە ارمانىما اپارعىم كەلەدى، قازاقشا سويلەپ (سويلەۋگە تىرىسىپ). قازاقستان جانە قازاق حالقى مەنىڭ ءومىرىمدى وزگەرتتى. مەنىڭ الەمگە كوزقاراسىم جانە سەزىمدەرىم وڭ دامىدى.
سىزگە تاعى دا راحمەت! - دەپ جازدى جانىبەك.
