Qaraǵandyda soqqyǵa jyǵylǵan jedel járdem kóliginiń júrgizýshisi oqıǵanyń mán-jaıyn aıtyp berdi, dep habarlaıdy "Adyrna" tilshisi.
Naýqastan shaqyrtý alǵan aq halattylar Qaraǵandydaǵy kópqabatty úılerdiń biriniń aýlasyna barǵan. Sol sátte belgisiz er adam jedel járdem júrgizýshisin judyryq jumsaǵan.
- Bizde qalypty kún bolatyn. Shamamen saǵat 23:57-de qońyraý tústi, biz tez arada 2-shi blokqa, №30 úıge bardyq. Bizdiń feldsherler jedeldetip úıge kirip ketti, sebebi ol jerde bir jasar bala aýyryp jatqan edi, - deıdi jedel járdem júrgizýshisi Tóreǵalı. Berikqalıuly.
Zardap shegýshiniń aıtýynsha, feldsherlerdiń biri birneshe ýaqyttan keıin úıden shyǵyp, planshetke blankilerdi toltyrǵan. Sol sátte týmbochka kóterip kele jatqan jas jigitpen janjal bastalǵan. Tártip buzýshy jedel járdem kóliginiń júrgizýshisine ádepsiz sózder aıtyp, balaǵattaǵan.
- Men oǵan shaqyrtýda turǵanymdy jáne kete almaıtynymdy túsindirdim. Al ol ketip qalǵan sııaqty boldy. Alaıda, keıin ol týmbochkasyz qaıtyp kelip, taǵy da balaǵat sózder aıta bastady. Men kólikten tústim, sol kezde feldsher telefonyna ne bolyp jatqanyn túsire bastady, sebebi er adam agressıvti boldy. Men oǵan naýqasty, balany qaraýǵa kelgenimizdi túsindirýge tyrystym. Biraq ol meni tyńdamady, – deıdi jábirlenýshi Tóreǵalı Berikqalıuly.
Osylaısha naýqasqa kelgen jedel járdem júrgizýshisi soqqy alyp, densaýlyǵyna zaqym kelgen. Júrgizýshiniń sózinshe ol rólge ıe bola almaǵandyqtan, dárigerler ekinshi top pen polıııany shaqyrýǵa májbúr boldy.
Jedel járdem júrgizýshisiniń soqqyǵa jyǵylǵany týraly aqparattan soń QR Densaýlyq saqtaý mınıstrliginiń basshysy Ajar Ǵınııat úndeý jarııalap, bul oqıǵanyń barysy jeke baqylaýynda bolatynyn aıtty.
