"تەرروريزمدى اقتادى" دەپ ايىپتالعان 21 جاستاعى انارحيست دەنيس كوزاكقا قازاقستاننان ساياسي باسپانا بەرىلمەدى، دەپ حابارلايدى "ادىرنا" ءتىلشىسى The Insider-گە سىلتەپ.
قازاقستاندىق حالىقارالىق ادام قۇقىقتارى جانە زاڭدىلىق بيۋروسى 9 اقپاندا ۇستالعان انارحيستكە ساياسي باسپانا بەرىلمەيتىنىن ايتتى.
دەنيس كوزاكتى قازاقستاننىڭ قۇقىق قورعاۋ ورگاندارى كوزاكتى رەسەي سۇراۋىمەن ۇستاعان.
كرەملدەن قاشقان انارحيست رەسەيدە "تەرروريزمدى اقتاۋ" بابىمەن ايىپتالعان.
"بۇل – قۇدايعا شۇكىر، دەپورتاتسيانى قولدانۋدى تالاپ ەتەتىن باپ ەمەس. ياعني بۇل بويىنشا ونى رەسەيگە دەپورتاتسيالاۋعا بولمايدى. الايدا ول بۇل جاقتا بولۋ ەرەجەسىن ساقتاماعان دەپ ايتىلادى", - دەدى بۋريات ءجۋرناليسى ەۆگەنيا بالتاتاروۆا كوزاكقا قاتىستى ماتەريالىندا.
انارحيستكە قاتىستى ءىستىڭ 2022 جىلدىڭ ماۋسىمىندا قوزعالعانى ايتىلعان.
ودان بولەك، قازاقستاندا قاماۋعا الىنعان بەلسەندىلەر ايحال امموسوۆ پەن ناتاليا نارسكايا دا قازىر بوسقىن مارتەبەسىن بەرۋ تۋرالى وتىنىشتەرىنە جاۋاپ كۇتۋدە.
