اق ءۇي اقش-تا تۇراتىن جۇزدەگەن مىڭ ۋكرايندىقتى بوسقىن مارتەبەسىنەن ايىرۋى مۇمكىن. بۇل تۋرالى رەسمي جانە ءۇش اقپارات كوزىنە سىلتەمە جاساپ Reuters جاريالادى، دەپ حابارلايدى “ادىرنا” ۇلتتىق پورتالى.
«اقش پرەزيدەنتى دونالد ترامپتىڭ اكىمشىلىگى قاقتىعىستاردان قاشقان شامامەن 240 مىڭ ۋكرايندىقتىڭ ۋاقىتشا قۇقىقتىق مارتەبەسىن جويۋدى جوسپارلاپ وتىر»، - دەپ جازادى باسىلىم.
مۇنداي شەشىم ءساۋىر ايىندا قابىلدانۋى مۇمكىن. بۇل وسى ساناتقا جاتاتىن ادامداردىڭ دەپورتاتسيالانۋىنا اكەلەدى.
ۋكراينالارعا قاتىستى بۇل شارا ترامپتىڭ دجو بايدەن كەزىندە ىسكە قوسىلعان گۋمانيتارلىق يمميگراتسيالىق باعدارلامالاردى توقتاتۋ ستراتەگياسىنىڭ ءبىر بولىگى بولماق.
“بۇل شارانىڭ دايىندالۋى ۆلاديمير زەلەنسكيمەن قوعامدىق جانجالدى باستاماس بۇرىن-اق باستالعان”، دەپ مالىمدەيدى دەرەككوزدەر.
اقپاراتقا سايكەس، جالپى، 1,8 ميلليوننان استام بوسقىن زاڭدى مارتەبەسىن جوعالتۋى مۇمكىن دەپ كۇتىلۋدە. ۋكراينالىقتاردان بولەك، بۇل كۋبا، گايتي، نيكاراگۋا جانە ۆەنەسۋەلادان 530 000 ميگرانتتى، سونداي-اق، تالىپتەر بيلىككە كەلگەننەن كەيىن ەلدەن قاشقان 70 000 اۋعاندىقتى قامتيدى. بۇعان قوسا، 1 ميلليونعا جۋىق ادام بۇعان دەيىن اقش-قا زاڭدى تۇردە كوشۋ ءۇشىن CBP One قوسىمشاسىن پايدالانعان، بىراق ترامپ اكىمشىلىگى قاڭتار ايىنىڭ سوڭىندا بۇل قوسىمشانى جاۋىپ تاستاعان. تاعى مىڭداعان ادام وتباسى مۇشەلەرىن بىرىكتىرۋ باعدارلامالارىنا قاتىسقان.
