قازاقستاندا يزولياتوردا بولعان ءتورت قاراقالپاق بەلسەندىسى اقش-قا ۇشىپ كەتتى، دەپ حابارلايدى “ادىرنا” ۇلتتىق پورتالى.
فەرعانا اگەنتتىگىنىڭ مالىمەتىنشە، ازاماتتىق بەلسەندىلەر جانعىلدى جاقسىمبەتوۆ، تىلەۋبيكە يۋلداشەۆا جانە رايسا قۇدايبەرگەنوۆا وزبەكستاننىڭ ەكستراديتسيالىق تالاپتارى بويىنشا الماتىداعى تەرگەۋ يزولياتورىندا شامامەن ءبىر جىل وتكىزگەن. كەيىننەن ولار وتباسىمەن بىرگە شەتەلگە ۇشىپ كەتتى. ولارعا اقش-تان ساياسي باسپانا بەرىلگەن.
توپتىڭ ءبىر مۇشەسى زيۋار ميرمانبەتوۆانىڭ ۇشۋ ۋاقىتى قۇجاتتارىن راسىمدەۋدەگى كىدىرۋ سەبەبىنەن كەيىنگە قالدىرىلدى.
ودان وزگە قوشقارباي تورەۋراتوۆ قازىرگى ۋاقىتتا پولشادا ساياسي باسپانا سۇراۋ تۋرالى شەشىم كۇتىپ وتىر.
