اقتاۋدا الەۋمەتتىك جەلىلەردە كورىنەۋ جالعان اقپارات تاراتتى دەپ تانىلعان ازاماتشا اكىمشىلىك جاۋاپكەرشىلىككە تارتىلىپ، 778 500 تەڭگە كولەمىندە ايىپپۇل تولەيتىن بولدى، دەپ حابارلايدى «ادىرنا» ءتىلشىسى.
اقتاۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىندا قارالعان ءىس قر اقبتك-ءنىڭ 73-3-بابىنىڭ 2-بولىگى بويىنشا قوزعالعان.
سوت ماتەريالدارىنا سايكەس، ايەل مامىر ايىندا «Facebook»، «Instagram» الەۋمەتتىك جەلىلەرى مەن WhatsApp مەسسەندجەرىندە ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ وقىتۋشىلارىنا قاتىستى بەدەلىن تۇسىرەتىن كورىنەۋ جالعان مالىمەتتەر تاراتقان.
سوت وتىرىسىندا ازاماتشا ءوز كىناسىن مويىنداماي، حاتتامامەن كەلىسپەيتىنىن مالىمدەدى. الايدا جابىرلەنۋشى تاراپ ونىڭ تاراتقان اقپاراتىن جالعان دەپ تانۋدى جانە زاڭ اياسىندا جاۋاپكەرشىلىككە تارتۋدى سۇراعان.
سوت ازاماتشانىڭ كىناسى جابىرلەنۋشى جاۋاپتارىمەن، الەۋمەتتىك جەلىدەگى جازبالارمەن، فوتوماتەريالدارمەن، ۇجىمدىق ارىزبەن، پوليتسيا باياناتىمەن جانە ءىس ماتەريالدارىنداعى وزگە دە قۇجاتتارمەن دالەلدەنگەنىن اتاپ ءوتتى.
سوت شەشىمىمەن ر. قر اقبتك-ءنىڭ 73-3-بابىنىڭ 2-بولىگى بويىنشا كىنالى دەپ تانىلىپ، 180 اەك كولەمىندە، ياعني 778 500 تەڭگە ايىپپۇل سالىندى.
سوت قاۋلىسى زاڭدى كۇشىنە ەنگەن جوق.
