مەملەكەتتىك قىزمەتكە ىرىكتەۋدىڭ جاڭا الگوريتمى وتكەن جىلى 6 مەملەكەتتىك ورگاندا سىناقتان وتكىزىلدى. ولار مەملەكەتتىك قىزمەت ىستەرى اگەنتتىگى، كولىك مينيسترلىگى، ونەركاسىپ جانە قۇرىلىس مينيسترلىگى، ساۋدا جəنە ينتەگراتسيا مينيسترلىگى، اقمولا وبلىسى جانە شىمكەنت قالاسى اكىمدىكتەرى.
وتكەن جىلى مەملەكەتتىك قىزمەت ىستەرى اگەنتتىگى ىرىكتەۋدى تولىق تسيفرلاندىرۋ ارقىلى «ە-Qyzmet» ينتەگراتسيالانعان اقپاراتتىق جۇيەسىن جاڭعىرتۋ بويىنشا جۇمىستار جۇرگىزدى.
سىرتقى پورتالدا مەملەكەتتىك قىزمەتكە جاڭا ىرىكتەۋ الگوريتمى ازىرلەندى، وندا كونكۋرستىق ءراسىمدى وتكىزۋ فورماتى قايتا قارالدى. كونكۋرستىق ءراسىمنىڭ جاڭا فورماتى ۇمىتكەرلەرگە الدىن الا بەلگىلەنگەن ۋاقىتتا وتەتىن اڭگىمەلەسۋدەن باسقا بارلىق كەزەڭدەردە، كەز كەلگەن ۋاقىتتا جانە الەمنىڭ كەز كەلگەن نۇكتەسىنەن كونكۋرسقا قاتىسۋعا مۇمكىندىك بەردى.
مەملەكەتتىك ورگانداردا وتكىزىلگەن 1246 استام كونكۋرسقا 5 815 ۇمىتكەر قاتىسىپ، ونىڭ 652-ءى جەڭىمپاز رەتىندە تانىلدى.
بۇل تۋرالى مقىا توراعاسى دارحان جازىقباي 2023 جىلدىڭ قورىتىندىسى بويىنشا وتكەن القا ماجىلىسىندە حابارلادى.
دارحان جازىقبايدىڭ ايتۋىنشا، ونلاين جۇيە بويىنشا ءبىر ورىنعا قاتىسۋشىلاردىڭ ۇلەس كورسەتكىشى 4,6 ادامدى قۇراپ، قولدانىستاعى (1,7 ادام) ىرىكتەۋ تارتىبىمەن سالىستىرعاندا قاتىسۋشىلاردىڭ سانى 2,7 ەسەگە ارتتى. بۇل، ازاماتتاردىڭ جاڭا جوبا اياسىندا مەملەكەتتىك قىزمەتكە دەگەن قىزىعۋشىلىعى ءبىرشاما ارتقانىن كورسەتىپ وتىر. بيىل جاڭا ىرىكتەۋ جۇيەسىن كەزەڭ-كەزەڭمەن بارلىق مەملەكەتتىك ورگانداردا ەنگىزۋ جوسپارلانىپ وتىر.
سونداي-اق القا ماجىلىسىندە مقىا باسشىسى مەملەكەتتىك قىزمەتتەگى بيۋروكراتيالىق كەدەرگىلەردەن ارىلۋدىڭ ماڭىزدى قۇرالى رەتىندە كادرلىق پروتسەستەردى ودان ءارى تسيفرلاندىرۋ بويىنشا اگەنتتىكپەن جۇرگىزىلىپ جاتقان شارالار تۋرالى ايتتى.
«ە-Qyzmet» - تە بارلىق ماڭىزدى اقپاراتتىق جۇيەلەرمەن ينتەگراتسيا جۇرگىزىلگەنى اتاپ ءوتىلدى. ناتيجەسىندە وزگە اقپاراتتىق جۇيەلەردەن ۇمىتكەر تۋرالى اقپارات الۋ، ونىڭ سوتتىلىعى نەمەسە وزگە زاڭ بۇزۋشىلىقتارعا قاتىسى بار-جوعىن تەكسەرۋ، بىلىكتىلىك تالاپتارىنا ساي كەلۋىن قاراۋ پروتسەسستەرى اۆتوماتتاندىرىلدى. ول مەملەكەتتىك قىزمەتكە ۇمىتكەرلەردى ارتىق قۇجات جيناۋدان بوساتادى.
سونىمەن بىرگە، «ە-قىزمەت» جۇيەسىنىڭ 24 ءمودۋلى جاڭارتىلدى، ونىڭ ىشىندە «تارتىپتىك باقىلاۋ»، «باعالاۋ»، «ءىس-ساپارلار»، «تاعىلىمداما»، «وقىتۋ» مودۋلدەرى بار. جۇيەگە بارلىق مەملەكەتتىك ورگاندار تۋرالى تولىق اقپارات ەنگىزىلدى جانە ونىڭ موبيلدىك قوسىمشاسى ازىرلەندى. قازىرگى ۋاقىتتا جۇيەنى پايدالانۋشىلار سانى 88 مىڭعا جۋىق مەملەكەتتىك قىزمەتشىنى قۇرايدى.
قر مقىا ءباسپاسوز قىزمەتى
