مەملەكەت باسشىسىنىڭ «مەملەكەتتىك اپپاراتتىڭ قىزمەتىن بيۋروكراتيادان ارىلتۋ جونىندەگى شارالار تۋرالى» جارلىعىمەن اگەنتتىككە مونيتورينگ جانە تالداۋ جۇرگىزۋ بويىنشا فۋنكتسيا جۇكتەلگەنى ءمالىم.
2023 جىلدىڭ قورىتىندىسى بويىنشا وتكەن القا وتىرىسىندا مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقبايدىڭ ايتۋىنشا وتكەن جىلى تالداۋ ساۋدا جانە ينتەگراتسيا، قارجى، حالىقارالىق قاتىناستار، اۋىل شارۋاشىلىعى، ەكولوگيا جانە تابيعي رەسۋرستار سىندى 5 سالالىق باعىت بويىنشا جۇرگىزىلگەن.
مونيتورينگ قورىتىندىسى بويىنشا ادام قاجەتتىلىگىنە جانە سەرۆيستىك مەملەكەتتىك اپپاراتتى قالىپتاستىرۋعا باعدارلانعان، سونداي-اق بيۋروكراتيالىق كەدەرگىلەردى ازايتۋعا باعىتتالعان ۇسىنىستار ازىرلەندى.
اتاپ ايتقاندا، ولار:
- مەملەكەتتىڭ قاتىسۋى ءتيىمسىز، كۆازيمەملەكەتتىك سەكتوردى قوسا العاندا، 200-دەن استام ۇيىمدى تاراتۋ جانە قايتا ۇيىمداستىرۋ نەمەسە ولاردىڭ فۋنكتسيالارىن باسەكەلەستىك ورتاعا بەرۋ;
- جەرگىلىكتى اتقارۋشى ورگانداردىڭ 70-تەن استام فۋنكتسيالارىن تومەنگى دەڭگەيگە ءتۇسىرۋ ارقىلى وڭتايلاندىرۋ;
- 100-گە جۋىق قىزمەت الۋ كەزىندەگى تولەنەتىن مەملەكەتتىك باجدى جانە مەملەكەتتىك ورگاندارمەن سالىناتىن بىرقاتار ايىپپۇل تۇرلەرىن الىپ تاستاۋ;
- مەملەكەتتىك قىزمەتتەردىڭ 50 ءتۇرى بويىنشا اقپاراتتىق جۇيەلەردى ينتەگراتسيالاۋ مۇمكىندىگىن قاراستىرۋ سىندى ۇسىنىستار.
مقىا باسشىسى اتاپ وتكەندەي، مەملەكەتتىك ورگاندارمەن بىرلەسكەن جۇمىستىڭ ناتيجەسىندە مەملەكەتتىك اپپاراتتى بيۋروكراتيادان ارىلتۋ بويىنشا 550-دەن استام كەيستەر دايىندالدى. ۇسىنىستاردىڭ 152-ءسىن ىسكە اسىرۋ ءۇشىن زاڭنامالىق دەڭگەيدە شەشىمدەر قابىلداۋدى قاجەت ەتەدى.
ماسەلەن، وسىنداي زاڭنامالىق باستامالار وبلىستىق جانە اۋداندىق ماڭىزى بار قالالارداعى جەر كوميسسياسى ينستيتۋتىن قىسقارتۋعا مۇمكىندىك بەردى. بۇل ءوز كەزەگىندە قىزمەت بەرۋشىلەردىڭ جاۋاپتىلىعىن ارتتىرۋعا جانە قىزمەت كورسەتۋ پروتسەسستەرى مەن مەرزىمدەرىنىڭ قىسقارۋىنا اسەر ەتەدى.
دارحان جازىقباي الداعى ۋاقىتتا اكىمشىلىك كەدەرگىلەردى جانە بيۋروكراتيالىق اۋرە-سارساڭنىڭ جويىلۋىن قامتاماسىز ەتەتىن ارنايى زاڭ جوباسىن ازىرلەۋ قاجەتتىلىگىن اتاپ ءوتتى. ونىڭ ايتۋىنشا بيىل سەرۆيستىك مەملەكەتتىك اپپاراتتى قالىپتاستىرۋ جانە ونى بيۋروكراتيادان ارىلتۋ ماسەلەلەرى بويىنشا زاڭ جوباسىن ازىرلەۋ جوسپارلانىپ وتىر.
2024 جىلى كولىك، ونەركاسىپ جانە قۇرىلىس سالالارىندا بيۋروكراتيادان ارىلتۋ بويىنشا تالداۋ جۇمىستارى جۇرگىزىلەتىندىگى اتاپ ءوتىلدى.
قر مقىا ءباسپاسوز قىزمەتى
