الماتى قالاسىنىڭ تۇرعىندارى تاعى دا جەر سىلكىنگەنىن سەزدى. توتەنشە جاعدايلار دەپارتامەنتىنىڭ مالىمەتىنشە، جەر سىلكىنىسىنىڭ ەپيتسەنترى قالادان وڭتۇستىك-شىعىسقا قاراي 262 كم جەردە قىتاي اۋماعىندا ورنالاسقان، دەپ حابارلايدى «ادىرنا» ءتىلشىسى.
«سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعى» 26 قاڭتار كۇنى 02 ساعات 01 مينۋت 28 سەكۋندتا جەر سىلكىنىسىن تىركەدى. ءزىلزالانىڭ ەنەرگەتيكالىق كلاسى —12.7. ماگنيتۋداسى —5.7 MPV. الماتى مەن تالعار قالالارىندا 2 بالدىق جەر ءدۇمپۋى سەزىلدى»،—دەلىنگەن حابارلامادا.
تجد جىل سايىن قالادا 200-دەن استام ءالسىز، سەزىلمەيتىن جەر سىلكىنىسى بولاتىنىن اتاپ ءوتتى.
«مۇنداي تەربەلىستەر الماتى ءۇشىن فوندىق رەجيم بولىپ ەسەپتەلەدى»،—دەپ تولىقتىردى دەپارتامەنتتىڭ ءباسپاسوز قىزمەتى.
ەسكە سالايىق، 23 قاڭتارعا قاراعان ءتۇنى الماتىدا ماگنيتۋداسى 6,7 بالدىق جەر سىلكىنىسى بولعان ەدى. ودان كەيىن دە جەراستى دۇمپۋلەرى كەلەسى تاۋلىكتە مەزگىل-مەزگىل سەزىلىپ تۇردى. جەر سىلكىنىسى استانا، الماتى، شىمكەنت قالالارى مەن شىعىس قازاقستان، جامبىل، الماتى، جەتىسۋ جانە قاراعاندى وبلىستارىندا دا سەزىلگەن.
