Almaty qalasynyń turǵyndary taǵy da jer silkingenin sezdi. Tótenshe jaǵdaılar departamentiniń málimetinshe, jer silkinisiniń epıentri qaladan ońtústik-shyǵysqa qaraı 262 km jerde Qytaı aýmaǵynda ornalasqan, dep habarlaıdy «Adyrna» tilshisi.
«Seısmologııalyq baıqaý jáne zertteýler ulttyq ǵylymı ortalyǵy» 26 qańtar kúni 02 saǵat 01 mınýt 28 sekýndta jer silkinisin tirkedi. Zilzalanyń energetıkalyq klasy —12.7. Magnıtýdasy —5.7 MPV. Almaty men Talǵar qalalarynda 2 baldyq jer dúmpýi sezildi»,—delingen habarlamada.
TJD jyl saıyn qalada 200-den astam álsiz, sezilmeıtin jer silkinisi bolatynyn atap ótti.
«Mundaı terbelister Almaty úshin fondyq rejım bolyp esepteledi»,—dep tolyqtyrdy departamenttiń baspasóz qyzmeti.
Eske salaıyq, 23 qańtarǵa qaraǵan túni Almatyda magnıtýdasy 6,7 baldyq jer silkinisi bolǵan edi. Odan keıin de jerasty dúmpýleri kelesi táýlikte mezgil-mezgil sezilip turdy. Jer silkinisi Astana, Almaty, Shymkent qalalary men Shyǵys Qazaqstan, Jambyl, Almaty, Jetisý jáne Qaraǵandy oblystarynda da sezilgen.
