ستۋدەنتتەر قانداي سالالاردا جوعارى جالاقىسى بار جۇمىستارعا ورنالاسا الادى؟!

3852
Adyrna.kz Telegram

نەگىزى ماماندار ءتۇرلى كۋرستارعا قاتىستقانى تۋرالى سەرتيفيكات بولسا ونى تۇيىندەمەدە كورسەتىپ، جۇمىسقا قابىلدانۋعا ىقپال ەتۋگە بولاتىنىن ايتىپ وتىر. رەكرۋتينگ ماماندارى 2019 جىلدىڭ I توقسانى بويىنشا ەڭبەك ءوتىلى جوق ادامدارعا جانە جوو-نىڭ تۇلەكتەرىنە كومپانيالار تاراپىنان مىناداي جۇمىستار ۇسىنىلعانىن ايتتى:

1. كومپانيانىڭ ساتۋشى ماماندارى

2. تۋريزم، قوناقۇي جانە مەيرامحانا

3. قارجى، قۇرىلىس سالالارىنىڭ كەڭەسشى قىزمەتكەرلەرى

4. مەكەمەنىڭ اكىمشىلىك قىزمەتكەرلەرى

5. PR-ماركەتينگ، جارناما جانە PR سالاسى قازىرگى كەزدە ەلىمىزدە بۇل سالاداعى قىزمەتكەرلەرگە جۇمىس بەرۋشىلەر 58 - 175 مىڭ تەڭگە ارالىعىندا جالاقى ۇسىنادى. بۇل سالالاردا جۇمىس ىستەۋ ءۇشىن كەيبىر كومپانيالار جوو-نىڭ ديپلومى مىندەتتى ەمەس ەكەنىن كورسەتكەن. جوعارىدا كورسەتىلگەن سالالار بويىنشا جۇمىس ورنى الماتى، نۇر-سۇلتان، شىمكەنت، قاراعاندى جانە اتىراۋ قالالارىندا كوپ.

"جوعارىدا كورسەتىلگەن سالالار بويىنشا جۇمىس ىستەگىسى كەلەتىن جوو-نىڭ تۇلەكتەرى ءوز تۇيىندەمەسىندە قاتىسقان ءتۇرلى ترەنينگتەر مەن ءوز داعدىلارىن اتاپ وتكەنى ابزال. وسىلايشا باسقا دا ۇمەتكەرلەردىڭ اراسىندا جۇمىسقا تۇرۋ مۇمكىندىگىڭىز ۇلعايادى", - دەيدى ساراپشىلار. رەكرۋتينگ ماماندارى ۇسىنعان ەلىمىزدەگى ەڭبەك ءوتىلى جوق ءارى ەڭ جوعارى جالاقى الاتىن ماماندار ءتىزىمى مىناداي: قۇرىلىسشى ماماندار - 473 مىڭ تەڭگە PR ماركەتينگ، جارناما جانە PR سالاسى قىزمەتكەرلەرى - 395 مىڭ تەڭگە كومپانيانىڭ ساتۋشى مەنەدجەرلەرى - 387 مىڭ تەڭگە قارجى كومپانيالارى جانە بانك قىزمەتكەرلەرى - 317 مىڭ تەڭگە. سونداي-اق رەكرۋتينگ ماماندار قازىرگى ۋاقىتتا جۇمىس ىزدەۋشىلەردىڭ كوبىسى ستۋدەنتتەر مەن ەڭبەك ءوتىلى جوق ادامدار ەكەنىن ايتتى.

سونىمەن قاتار، رەكرۋتينگ ماماندار ەلىمىزدە قازىرگى ۋاقىتتا ورتا ەسەپپەن ساناعاندا ەڭ جوعارى ايلىق الاتىن قىزمەتكەرلەردىڭ ءتىزىمىن بەردى. بۇل جالاقى سومالارى جۇمىس بەرۋشىلەر كورسەتكەن ەڭ جوعارى جانە ەڭ تومەنگى ايلىق سومالارىن قوسقانداعى ورتا ەسەبى:

كومپانيا باسشىلارى جانە ديرەكتورلارى - 548 مىڭ تەڭگە، شيكىزات ءونىدرىس قىزمەتكەرلەرى - 467 مىڭ تەڭگە، فيتنەس جانە سۇلۋلىق سالون قىزمەتكەرلەرى - 461 مىڭ تەڭگە، قارجى، قۇرىلىس سياقتى سالالارىنىڭ كەڭەسشى قىزمەتكەرلەرى - 442 مىڭ تەڭگە، اقپاراتتىق تەحنولوگيا، تەلەكوممۋنيكاتسيا قىزمەتكەرلەرى - 419 مىڭ تەڭگە، ساراپشىلاردىڭ زەرتتەۋىنە سۇيەنسەك، 2019 جىلدىڭ 1 توقسانىندا ساتۋشى، ەسەپشى جانە مەكەمەنىڭ قارجىسىمەن اينالىساتىن ماماندار، مەكەمەنىڭ اكىمشىلىك قىزمەتكەرلەرى، باعدارلاماشى جانە تەلەكوممۋنيكاتسيا ماماندارى سۇرانىسقا يە. جۇمىس بەرۋشىلەر بۇل سالا يەلەرىنەن ءبىر جىل ەڭبەك ءوتىلى بولۋىن تالاپ ەتەدى.

جوعارىدا كورسەتىلگەن ماماندىقتار مىنا قالالاردا سۇرانىسقا يە: الماتى، نۇر-سۇلتان، قاراعاندى، اتىراۋ جانە شىمكەنت.  ماماندار بۇل كورسەتكىشتىڭ ءار توقسان سايىن وزگەرەتىنىن مالىمدەدى. وعان قوسا جۇمىس بەرۋشىلەردىڭ مامانداردىڭ بىلىگى مەن تاجىريبەسىنە قاراي ۇسىناتىن جالاقى سوماسى دا وزگەرەدى. سونداي-اق، جۇمىس بەرۋشىلەر كوبىنە 18-30 جاس ارالىعىنداعى قىزمەتكەرلەردى جۇمىسقا تارتادى ەكەن.

 

دەرەككوز:  https://tengrinews.kz/story/studentter-kanday-salalarda-jogaryi-jalakyisyi-bar-371654/?fbclid=IwAR3Gzys_rgoCwHclV6ncQ68OIZ6E2wg3ZopsJ9G7ivtgBeACY4hTB-HZrkg
"ادىرنا" ۇلتتىق پورتالى

 

پىكىرلەر