Stýdentter qandaı salalarda joǵary jalaqysy bar jumystarǵa ornalasa alady?!

282

Negizi mamandar túrli kýrstarǵa qatystqany týraly sertıfıkat bolsa ony túıindemede kórsetip, jumysqa qabyldanýǵa yqpal etýge bolatynyn aıtyp otyr. Rekrýtıng mamandary 2019 jyldyń I toqsany boıynsha eńbek ótili joq adamdarǵa jáne JOO-nyń túlekterine kompanııalar tarapynan mynadaı jumystar usynylǵanyn aıtty:

1. Kompanııanyń satýshy mamandary

2. Týrızm, qonaqúı jáne meıramhana

3. Qarjy, qurylys salalarynyń keńesshi qyzmetkerleri

4. Mekemeniń ákimshilik qyzmetkerleri

5. PR-marketıng, jarnama jáne PR salasy Qazirgi kezde elimizde bul saladaǵy qyzmetkerlerge jumys berýshiler 58 - 175 myń teńge aralyǵynda jalaqy usynady. Bul salalarda jumys isteý úshin keıbir kompanııalar JOO-nyń dıplomy mindetti emes ekenin kórsetken. Joǵaryda kórsetilgen salalar boıynsha jumys orny Almaty, Nur-Sultan, Shymkent, Qaraǵandy jáne Atyraý qalalarynda kóp.

"Joǵaryda kórsetilgen salalar boıynsha jumys istegisi keletin JOO-nyń túlekteri óz túıindemesinde qatysqan túrli trenıngter men óz daǵdylaryn atap ótkeni abzal. Osylaısha basqa da úmetkerlerdiń arasynda jumysqa turý múmkindigińiz ulǵaıady", - deıdi sarapshylar. Rekrýtıng mamandary usynǵan elimizdegi eńbek ótili joq ári eń joǵary jalaqy alatyn mamandar tizimi mynadaı: Qurylysshy mamandar - 473 myń teńge PR Marketıng, jarnama jáne PR salasy qyzmetkerleri - 395 myń teńge Kompanııanyń satýshy menedjerleri - 387 myń teńge Qarjy kompanııalary jáne bank qyzmetkerleri - 317 myń teńge. Sondaı-aq rekrýtıng mamandar qazirgi ýaqytta jumys izdeýshilerdiń kóbisi stýdentter men eńbek ótili joq adamdar ekenin aıtty.

Sonymen qatar, rekrýtıng mamandar elimizde qazirgi ýaqytta orta eseppen sanaǵanda eń joǵary aılyq alatyn qyzmetkerlerdiń tizimin berdi. Bul jalaqy somalary jumys berýshiler kórsetken eń joǵary jáne eń tómengi aılyq somalaryn qosqandaǵy orta esebi:

Kompanııa basshylary jáne dırektorlary - 548 myń teńge, Shıkizat ónidris qyzmetkerleri - 467 myń teńge, Fıtnes jáne sulýlyq salon qyzmetkerleri - 461 myń teńge, Qarjy, qurylys sııaqty salalarynyń keńesshi qyzmetkerleri - 442 myń teńge, Aqparattyq tehnologııa, telekommýnıkaııa qyzmetkerleri - 419 myń teńge, Sarapshylardyń zertteýine súıensek, 2019 jyldyń 1 toqsanynda satýshy, esepshi jáne mekemeniń qarjysymen aınalysatyn mamandar, mekemeniń ákimshilik qyzmetkerleri, baǵdarlamashy jáne telekommýnıkaııa mamandary suranysqa ıe. Jumys berýshiler bul sala ıelerinen bir jyl eńbek ótili bolýyn talap etedi.

Joǵaryda kórsetilgen mamandyqtar myna qalalarda suranysqa ıe: Almaty, Nur-Sultan, Qaraǵandy, Atyraý jáne Shymkent.  Mamandar bul kórsetkishtiń ár toqsan saıyn ózgeretinin málimdedi. Oǵan qosa jumys berýshilerdiń mamandardyń biligi men tájirıbesine qaraı usynatyn jalaqy somasy da ózgeredi. Sondaı-aq, jumys berýshiler kóbine 18-30 jas aralyǵyndaǵy qyzmetkerlerdi jumysqa tartady eken.

 

Derekkóz:  https://tengrinews.kz/story/studentter-kanday-salalarda-jogaryi-jalakyisyi-bar-371654/?fbclid=IwAR3Gzys_rgoCwHclV6ncQ68OIZ6E2wg3ZopsJ9G7ivtgBeACY4hTB-HZrkg
"Adyrna" ulttyq portaly

 

Pikirler