قازاقستاندا كۇرىش باعاسى تاعى ءوسۋى مۇمكىن. بۇل تۋرالى باسەكەلەستىكتى قورعاۋ جانە دامىتۋ اگەنتتىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، بۇعان سۋارمالى سۋدىڭ جەتىسپەۋشىلىگى، اگروتەحنيكانىڭ قىمباتتاۋى جانە سۋبسيديانىڭ ۋاقتىلى بەرىلمەۋى سەبەپ. كۇرىش ءوندىرىسى قازىردىڭ وزىندە تومەندەگەن. ەگىستىك القاپتارى دا ازايعان. ال كۇرىشتىڭ قۇنى ءبىر جىلدا 39 پايىزعا كوتەرىلدى.
بىلتىر باعانى نەگىزسىز وسىرگەن 6 وندىرۋشىگە 68 ملن تەڭگە ايىپپۇل سالىندى. اگەنتتىك باعانى رەتتەۋ ءۇشىن كۇرىش وندىرۋشىلەرگە سۋبسيديانى كوبىرەك ءبولۋدى جانە وڭىرلەرگە سۋارمالى سۋدى جەتكىزۋدىڭ ناقتى جوسپارىن بەكىتۋدى ۇسىنىپ وتىر.
