انتيكور قىزمەتى جەمقورلاردىڭ ەڭ ءجيى قولداناتىن سوزدەرى مەن ىم-يشارالارىمەن ءبولىستى، دەپ حابارلايدى "ادىرنا" ءتىلشىسى Kazinform اگەنتتىگىنە سىلتەپ.
قازاقستاننىڭ سىبايلاس جەمقورلىققا قارسى قىزمەتى پارا بەرۋ جانە الۋ بارىسىندا ەڭ كوپ تارالعان سوزدەر، ءسوز تىركەستەرى، ىم-يشارالار جانە ورىن الاتىن ارەكەتتەر تۋرالى ايتتى.
جەمقورلاردىڭ "سۇيىكتى" ۇسىنىسىنا اينالعان سوزدەر مەن ءسوز تىركەستەرى: «وسى ماسەلەنى شەشىپ بەرىڭىزشى»، «ءبىزدىڭ دە پايدامىز تيەر»، «راحمەت ايتامىن عوي»، «كورەمىز»، «حابارلاسامىز عوي»، «شەشۋگە بولادى، بىراق ناقتى ەشتەڭە ايتا المايمىن»، «مۇمكىندىگىڭىزدى پايدالانساڭىزشى»، «كەلىسەمىز عوي»، «قاشان، قايدا بارىپ، نە ىستەۋ كەرەكتىگىن ايتاسىز عوي»، «جاقسى جاڭالىقپەن قۋانتاسىز دەپ ويلايمىن».
قازاقپاراتتىڭ دەرەگىنشە، پارا بەرگەن جانە العان ادامدار ءجيى ساۋساقتاعىن ىسقىلاپ، باس يزەپ، كوزبەن ىمداپ، قالتاسىن قاعۋ، ۇيالى تەلەفون، كالكۋلياتور ارقىلى سومانى كورسەتۋ، قول الىسۋ ارقىلى بەلگى بەرەدى ەكەن.
