Antıkor qyzmeti jemqorlardyń eń jıi qoldanatyn sózderi men ym-ısharalarymen bólisti, dep habarlaıdy "Adyrna" tilshisi Kazinform agenttigine siltep.
Qazaqstannyń sybaılas jemqorlyqqa qarsy qyzmeti para berý jáne alý barysynda eń kóp taralǵan sózder, sóz tirkesteri, ym-ısharalar jáne oryn alatyn áreketter týraly aıtty.
Jemqorlardyń "súıikti" usynysyna aınalǵan sózder men sóz tirkesteri: «Osy máseleni sheship berińizshi», «bizdiń de paıdamyz tıer», «rahmet aıtamyn ǵoı», «kóremiz», «habarlasamyz ǵoı», «sheshýge bolady, biraq naqty eshteńe aıta almaımyn», «múmkindigińizdi paıdalansańyzshy», «kelisemiz ǵoı», «qashan, qaıda baryp, ne isteý kerektigin aıtasyz ǵoı», «jaqsy jańalyqpen qýantasyz dep oılaımyn».
Qazaqparattyń dereginshe, para bergen jáne alǵan adamdar jıi saýsaqtaǵyn ysqylap, bas ızep, kózben ymdap, qaltasyn qaǵý, uıaly telefon, kalkýlıator arqyly somany kórsetý, qol alysý arqyly belgi beredi eken.
