الماتى قالاسى جەر قاتىناستارى باسقارماسى باستىعىنىڭ ورىنباسارى مىندەتىن اتقارۋشى 45 ميلليون تەڭگە پارا الدى دەگەن كۇدىككە ءىلىندى، دەپ حابارلايدى “ادىرنا” قر سىبايلاس جەمقورلىققا قارسى ءىس-قيمىل اگەنتتىگىنە سىلتەپ.
رەسمي حابارلامادا جەر تەلىمىن ساتىپ الۋ ءۇشىن قىزمەتكەردىڭ 45 ميلليون تەڭگە كولەمىندە پارا العانى انىقتالىپ وتىر:
«جەر تەلىمىن ساتىپ الۋ ءۇشىن 45 ملن تەڭگە كولەمىندە پارا العانى ءۇشىن ارەكەتكە قاتىستى سوتقا دەيىنگى تەرگەۋ باستالدى. قالالىق جەر قاتىناستارى ءبولىمى باسشىسىنىڭ ورىنباسارى. سوتتىڭ سانكتسياسىمەن قاماۋعا الىندى»، - دەپ حابارلايدى ءباسپاسوز قىزمەتى.
“بارماق باستى، كوز قىستى” ارەكەتىنە جول بەرگەندەر قازىر تەرگەلىپ جاتىر. بەلگىلى بولعانداي باسقارما قىزمەتكەرلەرى مەملەكەت مۇقتاجى ءۇشىن وتەلۋگە جاتاتىن سەگىز جەر تەلىمىنىڭ قۇنىن نەگىزسىز اسىرىپ جىبەرگەن.
