قازاقستاندا لگبتك+ جاسوسپىرىمدەرگە ارنالعان العاشقى سايت اشىلدى. الايدا جەلى قولدانۋشىلارى ءداستۇرلى ەمەس سەكسۋالدى باعىت ناسيحاتىنا نارازىلىق ءبىلدىرىپ جاتىر، دەپ حابارلايدى «ادىرنا» ءتىلشىسى.
جوبا اۆتورلارى ساشا كازانتسەۆا مەن ءمۇتالى موسكەۋدىڭ ايتۋىنشا، ونى حالىقارالىق ۇيىمدار قارجىلاندىرادى.
سايت بەتىندە جىنىس باعدارى، گەندەر ماسەلەسى، لگبتك+ وكىلدەرى تۋرالى ءتۇرلى اقپارات بەرىلگەن.
الايدا قازاقستاندىقتار otinish.kz سايتىندا پەتيتسيا جارالاپ، سايتتى جابۋدى تالاپ ەتۋدە.
«ءبىز – وتباسى قۇندىلىقتارىن باعالايتىن 135 قازاقستاندىق اتا-انامىز. باستى ماقساتىمىز – قوعامدا سانالى اتا-انا بولۋ مادەنيەتىن قالىپتاستىرۋ. بۇل سايت وسكەلەڭ ۇرپاققا تەرىس نۇسقاۋلار مەن مىنەز-قۇلىق ۇلگىلەرىن قالىپتاستىرۋعا اسەر ەتۋى مۇمكىن. باتىس وركەنيەتىنىڭ قوعام اراسىندا، ونىڭ ىشىندە تۇراقتى اقپاراتتىق رەسۋرستا اشىق ناسيحاتتالىپ جاتقانى ءبىزدى الاڭداتادى. قازاقستاننىڭ بارلىق ازاماتىن بەي-جاي قاراماۋعا شاقىرىپ، سايتتى جابۋدى تالاپ ەتەمىز»،—دەلىنگەن حابارلامادا.
