جامبىل وبلىسىندا بولات نازارباەۆقا قاراستى بازار جەرلەرى مەملەكەت مەنشىگىنە قايتارىلدى، - دەپ حابارلايدى “ادىرنا” پورتالى وبلىستىق پروكۋراتۋراعا سىلتەمە جاساپ.
2004 جىلى قورداي اۋدانى اكىمدىگىنىڭ جانە قورداي اۋىلدىق وكرۋگى اكىمىنىڭ اكتىلەرىمەن بولات نازارباەۆقا تيەسىلى «قاراساي ب.ن.-تاراز» جشس-نە «بارىس-2» ساۋدا ورتالىعىنا قىزمەت كورسەتۋ ءۇشىن 34,3017 گەكتار جەر تەلىمى بەرىلگەنى حابارلاندى.
«ۋچاسكە بەرىلگەن كەزدە ونىڭ ءتارتىبى بۇزىلعان، اتاپ ايتقاندا اۋدانى 22,25 گەكتار جەردىڭ ءبىر بولىگى اۋىل شارۋاشىلىعى ماقساتىنداعى سۋارمالى ەگىستىك القاپتارعا جاتادى جانە ەرەكشە قورعاۋعا الىنىپ نارىقتىق قىزمەت كورسەتۋگە بەرىلگەن. اۋدان پروكۋراتۋراسى اۋدان جانە اۋىلدىق وكرۋگ اكىمدىكتەرىنىڭ اكتىلەرىن، ساتىپ الۋ-ساتۋ شارتىن جارامسىز دەپ تانۋ جانە كۇشىن جويۋ تۋرالى تالاپ ارىزبەن سوتقا جۇگىندى»، - دەلىنگەن حابارلامادا.
جامبىل وبلىستىق سوتىنىڭ ازاماتتىق ىستەر جونىندەگى سوت القاسىنىڭ 2023 جىلعى 28 جەلتوقسانداعى ۇيعارىمىمەن «قاراساي ب.ن.-تاراز» جشس مەن دەپارتامەنتى اراسىندا 2007 جىلعى 24 شىلدەدەگى No 81 جانە № 82 ۋچاسكەلەردى ساتىپ الۋ-ساتۋ شارتتارى جاسالعان. قورداي اۋدانى اكىمدىگىنىڭ جەر قاتىناستارى، سونداي-اق «كورداي ينۆەست» جشس-ءنىڭ جەر تەلىمدەرىن وتەۋسىز بەرۋ تۋرالى بارلىق شارتتارى جارامسىز دەپ تانىلدى جانە كۇشى جويىلدى.
سوت ۇكىمى 2023 جىلدىڭ 28 جەلتوقسانىندا زاڭدى كۇشىنە ەندى، جەر ۋچاسكەلەرىنە مەملەكەتتىك اكتىلەردىڭ كۇشى جويىلدى، دەپ قوستى پروكۋراتۋرا.
