Jambyl oblysynda Bolat Nazarbaevqa qarasty bazar jerlerı memleket menşıgıne qaitaryldy, - dep habarlaidy “Adyrna” portaly oblystyq prokuraturaǧa sılteme jasap.
2004 jyly Qordai audany äkımdıgınıŋ jäne Qordai auyldyq okrugı äkımınıŋ aktılerımen Bolat Nazarbaevqa tiesılı «Qarasai B.N.-Taraz» JŞS-ne «Barys-2» sauda ortalyǧyna qyzmet körsetu üşın 34,3017 gektar jer telımı berılgenı habarlandy.
«Uchaske berılgen kezde onyŋ tärtıbı būzylǧan, atap aitqanda audany 22,25 gektar jerdıŋ bır bölıgı auyl şaruaşylyǧy maqsatyndaǧy suarmaly egıstık alqaptarǧa jatady jäne erekşe qorǧauǧa alynyp naryqtyq qyzmet körsetuge berılgen. Audan prokuraturasy audan jäne auyldyq okrug äkımdıkterınıŋ aktılerın, satyp alu-satu şartyn jaramsyz dep tanu jäne küşın joiu turaly talap aryzben sotqa jügındı», - delıngen habarlamada.
Jambyl oblystyq sotynyŋ azamattyq ıster jönındegı sot alqasynyŋ 2023 jylǧy 28 jeltoqsandaǧy ūiǧarymymen «Qarasai B.N.-Taraz» JŞS men departamentı arasynda 2007 jylǧy 24 şıldedegı No 81 jäne № 82 uchaskelerdı satyp alu-satu şarttary jasalǧan. Qordai audany äkımdıgınıŋ jer qatynastary, sondai-aq «Kordai İnvest» JŞS-nıŋ jer telımderın öteusız beru turaly barlyq şarttary jaramsyz dep tanyldy jäne küşı joiyldy.
Sot ükımı 2023 jyldyŋ 28 jeltoqsanynda zaŋdy küşıne endı, jer uchaskelerıne memlekettık aktılerdıŋ küşı joiyldy, dep qosty prokuratura.
Ūqsas jaŋalyqtar
