Áleýmettik jelide «Qyzylorda oblysyndaǵy bir mekteptiń eki muǵalimi Túrkııadaǵy transvestıttik túngi klýbqa bardy» degen habar tarady. Keıin eki muǵalimniń de jumystan bosatylǵany belgili boldy. Jaǵdaıǵa Ashat Aımaǵambetov pikir bildirdi, - dep habarlaıdy Tengrinews.kz tilshisi.
Belgili bolǵandaı, qysqy kanıkýl kezinde muǵalimder Túrkııada demalyp, transvestıtterge arnalǵan túngi klýbqa barǵan kórinedi. Muǵalimder áleýmettik jelide demalys kezinde túsirilgen kadrlardy taratqan, muny kórgen oqýshylardyń ata-analary olardy jumystan shyǵarýdy talap etken.
Alaıda, Qyzylorda oblysy bilim basqarmasynyń baspasóz qyzmeti muǵalimderdiń klýbqa barǵany úshin emes, demalysy bitken soń jumysqa kelmegeni úshin jumystan bosatylǵanyn túsindirdi.
«Qyzylorda oblysy Qarmaqshy aýdanyna qarasty No250 mektep-lıeıinde 2-5 jumys kúni aralyqta belgisiz sebeptermen jalaqysy saqtalmaıtyn demalys kúnderin qospaǵanda, jumys istegen muǵalimder eskertýsiz jumysqa kelmegen. Eńbek kodeksiniń 49-babynyń 5-tarmaǵyna sáıkes olardyń óz ótinishteri boıynsha jumystan bosatylǵanyn habarlaımyz», - dep túsindirdi oblystyq bilim basqarmasy.
Al burynǵy bilim mınıstri, qazir Májilis depýtaty Ashat Aımaǵambetov muǵalimderdiń óz quqyǵy bar qarapaıym azamattar ekenin, sondyqtan aldymen jaǵdaıdy túsingen jón ekenin eske saldy.
"Muǵalimder de barshamyz sııaqty azamat. Olardyń quqyqtaryn eshkim shekteýge bolmaıdy. Sondyqtan bul jerde biz muǵalimderge qoıylatyn talaptardy anyq ajyratýymyz kerek ekenin bilesizder. Árıne, joǵary talaptar ózdiginen týyndaıdy. Biraq olardyń quqyǵyn túsinýimiz kerek. Al bul jerde isti naqty túsinip, olardyń bul iste qandaı kinási bar ekenin bilý kerek", - dedi Aımaǵambetov.
