سەمەيدە كولىك كوللەدجى 90 جىلدىق مەرەيتويىن اتاپ ءوتتى

1340

سەمەيدە كولىك كوللەدجى 90 جىلدىق مەرەيتويىن اتاپ وتۋدە. وقۋ ورنىن تۋعان كۇنىمەن قۇتتىقتاۋعا ەلىمىزدىڭ تۇكپىر تۇكپىرىنەن تۇلەكتەر مەن قوناقتار كەلدى.
وقۋ ورنىنىڭ ديرەكتورى ايبەك نۇعىماروۆ بارلىق قاتىسۋشىلاردى ايتۋلى كۇنمەن قۇتتىقتاپ، قۇرمەت گراموتالارىن تابىس ەتتى.
- كوللەدج 1929 جىلى اشىلدى، - دەدى ا. نۇعىماروۆ. - 90 جىلدىق تاريحىندا وقۋ ورنى كوپ نارسەنى باستان كەشىردى. ەڭ باستىسى، وسى جىلدار ىشىندە كوللەدج ءوزىنىڭ وقۋ بازاسى مەن قالىپتاسقان داستۇرلەرىن ساقتاپ قالدى. بۇگىن مەرەيتويعا ستۋدەنتتەر، وقىتۋشىلار جانە ءار جىلدارداعى تۇلەكتەر جينالدى. بارلىقتارىڭىزدى وسى ماڭىزدى كۇنمەن قۇتتىقتاعىم كەلەدى، تۋعان كوللەدجىمىزدىڭ ودان ءارى وركەندەۋىنە تىلەكتەسپىن.
مەرەكە دراما تەاتردا جالعاسىپ، سەمەي قالاسىنىڭ اكىمى كولەدجدى 90 جىلدىعىمەن قۇتتىقتادى. ەرماك ءسالىموۆ ءوز سوزىندە وقۋ ورنىنىڭ بولاشاعى زور ەكەنىن اتاپ ءوتتى.
- كوللەدج بازاسىندا جەڭىل جانە جۇك كولىكتەرىن، سونداي-اق ديزەلدى قوزعالتقىشتاردى جوندەۋ جانە قىزمەت كورسەتۋ بويىنشا ورتالىق اشىلادى-دەدى ەرماك بيداحمەتۇلى. – بۇل ورتالىق "World Skills"چەمپيوناتىنا دايىندىق بازاسى بولماق. سەمەيدە وسىنداي 4 ورتالىق اشۋ جوسپاردا بار.
ءوز سوزىندە ە. ساليموۆ بيىلعى جىلى وقۋ ورنىنىڭ ماتەريالدىق-تەحنيكالىق بازاسىن جاڭارتۋعا جانە كوللەدجدىڭ جاتاقحاناسىن كۇردەلى جوندەۋگە 103 ملن.تەڭگە بولىنەتىنىن اتاپ ءوتتى.
مەرەيتوي ۇلكەن مەرەكەلىك كونتسەرتپەن اياقتالدى.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket