Semeıde kólik kolledji 90 jyldyq mereıtoıyn atap ótýde. Oqý ornyn týǵan kúnimen quttyqtaýǵa elimizdiń túkpir túkpirinen túlekter men qonaqtar keldi.
Oqý ornynyń dırektory Aıbek Nuǵymarov barlyq qatysýshylardy aıtýly kúnmen quttyqtap, qurmet gramotalaryn tabys etti.
- Kolledj 1929 jyly ashyldy, - dedi A. Nuǵymarov. - 90 jyldyq tarıhynda oqý orny kóp nárseni bastan keshirdi. Eń bastysy, osy jyldar ishinde kolledj óziniń oqý bazasy men qalyptasqan dástúrlerin saqtap qaldy. Búgin mereıtoıǵa stýdentter, oqytýshylar jáne ár jyldardaǵy túlekter jınaldy. Barlyqtaryńyzdy osy mańyzdy kúnmen quttyqtaǵym keledi, týǵan kolledjimizdiń odan ári órkendeýine tilektespin.
Mereke drama teatrda jalǵasyp, Semeı qalasynyń ákimi koledjdi 90 jyldyǵymen quttyqtady. Ermak Sálimov óz sózinde oqý ornynyń bolashaǵy zor ekenin atap ótti.
- Kolledj bazasynda jeńil jáne júk kólikterin, sondaı-aq dızeldi qozǵaltqyshtardy jóndeý jáne qyzmet kórsetý boıynsha ortalyq ashylady-dedi Ermak Bıdahmetuly. – Bul ortalyq "World Skills"chempıonatyna daıyndyq bazasy bolmaq. Semeıde osyndaı 4 ortalyq ashý josparda bar.
Óz sózinde E. Salımov bıylǵy jyly oqý ornynyń materıaldyq-tehnıkalyq bazasyn jańartýǵa jáne kolledjdiń jataqhanasyn kúrdeli jóndeýge 103 mln.teńge bólinetinin atap ótti.
Mereıtoı úlken merekelik konertpen aıaqtaldy.
"Adyrna" ulttyq portaly
