ەرماك ءسالىموۆ سەمەي قالاسىن دامىتۋدىڭ 2025 جىلعا دەيىنگى ارنايى باعدارلاماسىن تانىستىردى

651

قوعامدىق كەڭەستىڭ كەزەكتى وتىرىسىندا ەرماك ءسالىموۆ قالانىڭ 2020-2025 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىن تانىستىردى. ەرماك بيداحمەتۇلى كەشەندى جوسپار جوباسى مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس ازىرلەنگەنىن اتاپ ءوتتى.
-حالىقتى ءسۇت ونىمدەرىمەن قامتاماسىز ەتۋ ءۇشىن نوۆوباجەنوۆو اۋىلدىق وكرۋگىندە 1200 باسقا ارنالعان تاۋارلى-ءسۇت فەرماسىنىڭ قۇرىلىسىن قاراستىرىپ وتىرمىز، - دەدى قالا اكىمى. - ءبىز شىلدە ايىنىڭ باسىندا اتالعان جوبانى ىسكە اسىراتىن كومپانياعا جەر ۋچاسكەسىن بەكىتۋ بويىنشا كونكۋرس جاريالايمىز. 2025 جىلعا قاراي جالپى اۋىل شارۋاشىلىعى ءونىمى 19 پايىزعا ارتادى.
ە. ءسالىموۆ الداعى جىلداردا سەمەيدە 4 جاڭا مەكتەپ پەن 4 بالاباقشا سالۋ جوسپارلانىپ وتىرعانىن ايتتى. وقۋ جانە مەكتەپكە دەيىنگى مەكەمەلەر ستەپنوي، ۆوستوچنىي، بوبروۆكا، ۆوسحود كەنتتەرىندە جانە قاراعايلى جاڭا شاعىن اۋدانىندا سالىنادى.
- قاراعايلى جاڭا شاعىن اۋدانىندا ءبىلىم مەن تەحنولوگيا ترانسفەرتى ورتالىعىنىڭ قۇرىلىسى جوسپارلانعان، - دەدى ەرماك بيداحمەتۇلى. – بۇل مادەنيەتتى دامىتۋعا ارنالعان وقۋشىلار مەن جاستار سارايى بولادى. ونىڭ قۇرىلىسى وبلىس باسشىلىعى دەڭگەيىندە تالقىلاندى. سونداي-اق وسى شاعىن اۋداندا ءورت ءسوندىرۋ دەپوسىن سالۋ جوسپاردا بار.
كەشەندى جوسپار شەڭبەرىندە جالپى سوماسى 3 ملرد.تەڭگەگە 20-دان استاپ جالپى ءبىلىم بەرەتىن مەكتەپتە كۇردەلى جوندەۋ جوسپارلانعان. مادەنيەت نىساندارى دا كۇردەلى جوندەۋدەن  شەت قالمايدى. دوستىق ۇيىندە، دراما تەاتردا، ف. دوستوەۆسكي اتىنداعى مۇراجايدا، ولكەتانۋ مۇراجايىندا، اباي اتىنداعى امبەباپ كىتاپحانادا جوندەۋ جۇمىستارى جۇرگىزىلەدى. نەۆزوروۆتار وتباسى اتىنداعى بەينەلەۋ ونەرى مۇراجايى عيماراتىندا قالپىنا كەلتىرۋ جۇمىستارى جوسپارلانعان.
-جول ينفراقۇرىلىمىن جاقسارتۋ جانە كولىك پەن جاياۋ جۇرگىنشىلەر قوزعالىسىنىڭ قاۋىپسىزدىگىن قامتاماسىز ەتۋ ماقساتىندا اۆتو كوپىردى قايتا جاڭارتۋ، سونداي-اق قالا جولدارىن جوندەۋ بويىنشا جوبالار جوسپارعا ەنگىزىلدى. جوعارىدا كورسەتىلگەن جوبالاردى ىسكە اسىرۋ 2025 جىلعا قاراي جاقسى جولداردىڭ ۇلەسىن 90 پايىزعا دەيىن ارتتىرۋعا مۇمكىندىك بەرەدى، - دەدى اكىم.
قالانى اينالىپ وتەتىن جولدار سالىنۋى، اۋىر سالماقتى اۆتوكولىك قوزعالىسىن ازايتۋعا سەپتىگىن تيگىزەدى.
قالا كوشەلەرىندە 600-دەن استام "سەرگەك"بەينەكامەراسى پايدا بولادى.
- 2025 جىلعا دەيىن ورتالىق سۋمەن جابدىقتاۋعا كومسومول، ستەپنوي، ۇشاقتار، ۆوسحود جانە قايىق كەنتتەرى قوسىلادى ، - دەدى ەرماك بيداحمەتۇلى.
سونىمەن قاتار، ە. ءسالىموۆ سەمەي يادرولىق پوليگونىنان زارداپ شەككەن مۇگەدەك بالالارعا ارنالعان وڭالتۋ ورتالىعى التاي قالاسىنىڭ كۋرورتتىق ايماعىندا سالىناتىنىن ايتتى.
كەشەندى جوسپار اياسىندا سەمەيدە 2020 جىلدان 2025 جىلعا دەيىن 133 كوپ قاباتتى تۇرعىن ءۇي پايدالانۋعا بەرىلەدى.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى