شىمكەنتتەگى كامەلەتكە تولماعان بالالاردى بەيىمدەۋ ورتالىعىنان جوعالعان ءۇش ءجاسوسپىرىم قىز تابىلدى، دەپ حابارلايدى “ادىرنا” ۇلتتىق پورتالى شىمكەنت پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
“جوعالعان جاسوسپىرىمدەردى ىزدەۋگە قالانىڭ پوليتسيا دەپارتامەنتىنىڭ جەكە قۇرامى جۇمىلدىرىلدى. ءتارتىپ ساقشىلارى جوعالعانداردىڭ فوتوسۋرەتتەرىمەن، سىرتقى كەلبەتى مەن كيىمدەرىن سيپاتتايتىن باعدارلاردى كورشى ايماقتارداعى ارىپتەستەرىنە جىبەردى. جەدەل ۋاكىلدەر ءبىر تاۋلىك ىشىندە الماتى قالاسىنىڭ اۋماعىندا قىزداردى امان-ەسەن ىزدەپ، تاپتى”، - دەپ حابارلادى شىمكەنت پد ءباسپاسوز قىزمەتى.
ايتا، كەتەيىك، وتكەن جەكسەنبىدە پوليتسيا مەن ەرىكتىلەر 16 جاسار ادەليا كەڭەسوۆانى، 14 جاسار بالجان شاكەن مەن 13 جاسار نۇرايىم سارجانعا ىزدەۋ سالعان بولاتىن.
جاسوسپىرىمدەردىڭ كەشە كەشكە الماتى جاتاقحانالارىنىڭ بىرىنەن تابىلعانى بەلگىلى بولدى. قازىر ءۇش قىز دا الماتى كامەلەتكە تولماعانداردى بەيىمدەۋ ورتالىعىندا.
”ادىرنا” ۇلتتىق پورتالى
