قاراعاندى دوستىق ۇيىندە "مۋگۋنحۆا" كورەي ءانسامبلىنىڭ كونتسەرتىندە ءتۇرلى تىلدەردە اندەر مەن ولەڭدەر شىرقالدى. كورەرمەندەردى قوبىز جانە قاياگىم حالىق اسپاپتارىنداعى قازاق جانە كورەي اندەرىنىڭ ءپوپۋرريى تاڭ قالدىردى.
قاراعاندى وبلىسى كورەيلەردىڭ ەتنومادەني بىرلەستىگىنىڭ ۇجىمى حالىق اتاعىن تاعى دا راستادى.
– "مۋگۋنحۆا" حالىق ءانسامبلىنىڭ ەسەپتىك كونتسەرتى ءوتتى. قاراعاندى وبلىسىنىڭ حالىقتىق كوركەمونەرپازدار ۇجىمدارىنىڭ اتتەستاتتاۋ كوميسسياسى مۇشەلەرىنىڭ شەشىمىمەن ۇجىم 2003 جىلى بەرىلگەن "حالىقتىق" اتاعىن راستادى. اتاقتى راستاۋعا اتتەستاتتاۋ ءار بەس جىل سايىن وتكىزىلەدى. ءتورتىنشى رەت انسامبل ءوزىنىڭ لايىقتى ەكەنىن دالەلدەدى، – دەپ اتاپ ءوتتى كورەيلەردىڭ وبلىستىق ەتنومادەني بىرلەستىگىنىڭ توراعاسى ليليا كيم. – دوستىق ءۇيىنىڭ ساحناسىندا 2003 جىلى وسى اتاققا يە بولعانداردىڭ بالالارى مەن نەمەرەلەرى ونەر كورسەتتى. قوبىز مەن قاياگىدا قازاق جانە كورەي اندەرىنىڭ ورىنداۋ ارمانىم ورىندالدى. بۇل يدەيانى جۇزەگە اسىرۋعا قر ەڭبەك سىڭىرگەن ءارتىسى، قۇرمانعازى اتىنداعى قازاق ۇلتتىق كونسەرۆاتورياسىنىڭ قۇرمەتتى پروفەسسورى عايني بولتاەۆا كومەكتەستى.
جالپى جەڭىس – ارتىستەردى دايىندايتىن، ساحنادا ونەر كورسەتەتىن جانە شىعارماشىلىق باستامالاردى قولدايتىن بارلىق ادامداردىڭ ەڭبەگىنىڭ ناتيجەسى، دەپ اتاپ ءوتتى بىرلەستىك باسشىسى.
كورەي حالىقتىق بيلەرى زاماناۋي k-pop ستيلىمەن اۋىستىرىلدى. كورەرمەندەر ءسامۋلنوريدىڭ كورەي باراباندارىنىڭ دىبىسىن ەستىدى. ءانسامبلدىڭ ءسوليسى ميلانا كيم قازاق تىلىندە "العا، قازاقستان!” ءانىن ورىندپدى.
"مۋگۋنحۆا" – وبلىستىق جانە رەسپۋبليكالىق فەستيۆالدار مەن كونكۋرستاردىڭ بەلسەندى قاتىسۋشىسى. انسامبلگە مۋزىكالىق جانە ەكى بي توبى، سوليستەر مەن وقىرماندار كىرەدى.
