Qazaqstan quramasynyń sportshylary nysana kózdeýden Indonezııanyń Djakarta qalasynda ótip jatqan Azııa chempıonatynda taǵy 4 júldege ıe boldy, dep habarlaıdy "Adyrna" tilshisi Týrızm jáne sport mınıstrligi Sportty damytý dırekııasynyń baspasóz qyzmetine siltep otyryp.
Vıntovkamen 50 metrden jatyp oq atýda sportshy Arına Altýhova 626,8 upaı jınap, chempıon atandy. Al Aleksandra Le 618,4 upaımen úshinshi orynǵa ıe boldy.
Ulttyq quramanyń taǵy bir sportshysy Elızaveta Bezrýkova 617,2 upaıdy enshilep, tórtinshi satydan kórindi.
Nátıjesinde komandalyq synda Qazaqstan altyn júldeni jeńip aldy. Al tapanshamen 25 metrden nysana kózdeýde Nıkıta Chırıýkın 568 upaımen úzdik úshtikti túıindedi.
Qazir jalpy esepte Qazaqstan quramasy 3 altyn, 1 kúmis, 2 qola medalmen tórtinshi orynda kele jatyr. Qurlyq chempıonaty 18 qańtar kúni aıaqtalady.
