مەملەكەت باسشىسى قاسىم-جومارت توقاەۆتىڭ «ەگەمەن قازاقستان» گازەتىنە بەرگەن سۇحباتىن مۇقيات وقىپ شىقتىم. ەل ىشىندە قىزۋ تالقىعا ءتۇسىپ جاتقان بۇل جاريالانىمدا وتكەن جىلى ەلىمىزدە بولعان ماڭىزدى ساياسي وقيعالارعا جان-جاقتى شولۋ جاسالعان ەكەن.
مەملەكەت باسشىسى «قاڭتار وقيعاسى» مەن قوس ءبيلىك ماسەلەسىنە قاتىستى سۇراقتارعا اشىق جاۋاپ بەرىپتى. راسىندا دا، «بۇل ەشقانداي دا رەۆوليۋتسيا ەمەس, جۇزەگە اسپاي قالعان مەملەكەتتىك توڭكەرىس»ەدى.
قاسىرەتتى قاڭتار وقيعاسىنىڭ باستى سەبەبىن تۇسىندىرگەن پرەزيدەنت جىلدار بويى قوردالانعان الەۋمەتتىك-ەكونوميكالىق پروبلەمالاردىڭوسىنداي احۋالعا اكەلگەندىگىن اشىپ ايتقان. سول الاساپىران كۇندەردە مەملەكەتىمىزدى ساقتاپ قالۋ، ەلدەگى زاڭ مەن ءتارتىپ ۇستەمدىگىن قالپىنا كەلتىرۋ پرەزيدەنت ءۇشىن ەڭ باستى مىندەت بولدى. ول ەلدىگىمىزگە تۇسكەن سىن ساعاتتا كوشباسشىلىق تانىتىپ، وزىنە جاۋاپكەرشىلىك الا ءبىلءدى. بۇل ەكىنىڭ ءبىرىنىڭ قولىنان كەلە بەرمەيتىندىگى اقيقات.
پرەزيدەنتءىمىزدىڭ ازاماتتىق ۇستانىمى، ءبىزدەر – جاستار ءۇشىن ۇلگى ءارى ونەگە. ەڭ ماڭىزدىسى، سۇحباتتان ادىلەتتى قازاقستان قاعيداتتارىنا دەگەن جاۋاپكەرشىلىكتى، دەموكراتيالىق ۇردىستەرگە دەگەن ادالدىقتى سەزىندىك.
بۇدان وزگە زورلىق-زومبىلىق جاساعاندارعا جازانىڭ كۇشەيەتىنى قۋانتتى. اتوم ەلەكتر ستانساسىن سالۋ-سالماۋ ماسەلەسى – تەك حالىق شەشەتىن ماڭىزدى ماسەلە دەپ تۇجىرىمدالعانى كوڭىلىمىزدى جۇباتتى.
مەملەكەت باسشىسى ەل اراسىنداعى وزىنە قاتىستى «اتا زاڭ قايتا وزگەرتىلمەك, 2026 جىلى ەكىنشى مارتە پرەزيدەنت سايلاۋىنا ءتۇسپەك» دەگەن قاۋەسەتتىڭ جالعان ەكەنىن دە تىلگە تيەك ەتتى. ونىڭ ۇستانىمى: «كەتتىڭ بە، قايتا قايىرىلماۋ كەرەك!».
سۇحباتتا پاتريوتيزم تۋرالى دا اۋقىمدى ءسوز قوزعالعان. سول تۇسىن وقىعان كەزدە مەنىڭ ويىما بىردەن «رۋحاني جاڭعىرۋ» باعدارلاماسى كەلدى. پرەزيدەنت تاريحقا تەرەڭىرەك كوڭىل ءبولۋ قاجەتتىگىن اماناتتادى. ءبىز ۇلتتىق پەن ۇلتشىلدىقتىڭ ايىرماشىلىعىن ايقىن ءتۇسىنۋىمىز كەرەك.
ساپالى ءبىلىم بەرۋ مەن عىلىمدى دامىتۋوزەكتىلىگىن جويمايتىن ماسەلە. بۇل وزىق مەملەكەتتىڭ كۇن تارتىبىندە تۇرعان ماسەلەلەر دەۋگە كەلەدى. راسىمەن سوڭعى جىلدارى عىلىم سالاسىندا ءبىرشاما وزگەرىس بولعانىن بايقاۋ قيىن ەمەس. عىلىمدى قارجىلاندىرۋ تاسىلدەرى جاقسارىپ، قارجى كولەمى ەداۋىر ارتتى. عىلىمي مەكەمەلەر بىرتىندەپ جاڭعىرتىلىپ جاتىر. الەمگە ايگىلى عىلىمي ورتالىقتاردا تاجىريبەدەن وتكەن ماماندار سانى كوبەيىپ كەلەدى. ءبىر سوزبەن ايتقاندا، جاستاردىڭ عىلىمعا دەگەن قىزىعۋشىلىعى ويانا باستادى. سۇحباتتا پرەزيدەنت ناعىز وتانشىل جانە ادال ازاماتقا ءتان قاسيەتتەر مەن قۇندىلىقتار دەپ ەڭبەكقورلىق، بىلىمپازدىق، كاسىبيلىك، بىرلىك، ىنتىماق، جاناشىرلىق، ىسكەرلىك، باستاماشىلدىق، ادالدىق، قاراپايىمدىلىق جانە ۇنەمشىلدىكتى اتادى.بىزدەر، بۇگىنگىنىڭ جاستارى وسى قاسيەتتەرگە ادال بولساق، جارقىن بولاشاعىمىزعا جول اشا الامىز دەپ ويلايمىن.
بىلىم سالاسىندا بالالار ءۇشىن جايلى مەكتەپباعدارلامالارىن جان-جاقتى ىسكە اسىرۋدىڭ دا ماڭىزى زور بولماق. مۇعالىمدەردىڭ جالاقىسىنىڭكوتەرىلءۋى دە، جوعارى ءبىلىم سالاسىندا بولىپ جاتقان جاعىمدى جاڭالىقتار مەن وزگەرىستەر دە جاڭا قوعامعا ەكپىن بەرەتىن العىشارتتار بولماق.
پرەزيدەنت سۇحباتىندا وزەكتى جانە بۇكىل قازاق قوعامىن الاڭداتاتىن ماسەلەلەر قوزعالىپ، تۇيتكىلدى ساۋالداردىڭ تۇيىندەرى تارقاتىلىپتى. حالىق بۇل سۇحباتتان كوكەيدە جۇرگەن كوپتەگەن ساۋالدارىنا جاۋاپ الا الدى دەپ ويلايمىن.
فوتو: elana.kz
