Memleket basşysy Qasym-Jomart Toqaevtyŋ «Egemen Qazaqstan» gazetıne bergen sūhbatyn mūqiiat oqyp şyqtym. El ışınde qyzu talqyǧa tüsıp jatqan būl jariialanymda ötken jyly elımızde bolǧan maŋyzdy saiasi oqiǧalarǧa jan-jaqty şolu jasalǧan eken.
Memleket basşysy «Qaŋtar oqiǧasy» men qos bilık mäselesıne qatysty sūraqtarǧa aşyq jauap berıptı. Rasynda da, «būl eşqandai da revoliusiia emes, jüzege aspai qalǧan memlekettık töŋkerıs»edı.
Qasırettı Qaŋtar oqiǧasynyŋ basty sebebın tüsındırgen Prezident jyldar boiy qordalanǧan äleumettık-ekonomikalyq problemalardyŋosyndai ahualǧa äkelgendıgın aşyp aitqan. Sol alasapyran künderde memleketımızdı saqtap qalu, eldegı zaŋ men tärtıp üstemdıgın qalpyna keltıru Prezident üşın eŋ basty mındet boldy. Ol eldıgımızge tüsken syn saǧatta köşbasşylyq tanytyp, özıne jauapkerşılık ala bıldı. Būl ekınıŋ bırınıŋ qolynan kele bermeitındıgı aqiqat.
Prezidentımızdıŋ azamattyq ūstanymy, bızder – jastar üşın ülgı ärı önege. Eŋ maŋyzdysy, sūhbattan Ädılettı Qazaqstan qaǧidattaryna degen jauapkerşılıktı, demokratiialyq ürdısterge degen adaldyqty sezındık.
Būdan özge zorlyq-zombylyq jasaǧandarǧa jazanyŋ küşeietını quantty. Atom elektr stansasyn salu-salmau mäselesı – tek halyq şeşetın maŋyzdy mäsele dep tūjyrymdalǧany köŋılımızdı jūbatty.
Memleket basşysy el arasyndaǧy özıne qatysty «Ata zaŋ qaita özgertılmek, 2026 jyly ekınşı märte prezident sailauyna tüspek» degen qauesettıŋ jalǧan ekenın de tılge tiek ettı. Onyŋ ūstanymy: «kettıŋ be, qaita qaiyrylmau kerek!».
Sūhbatta patriotizm turaly da auqymdy söz qozǧalǧan. Sol tūsyn oqyǧan kezde menıŋ oiyma bırden «Ruhani jaŋǧyru» baǧdarlamasy keldı. Prezident tarihqa tereŋırek köŋıl bölu qajettıgın amanattady. Bız ūlttyq pen ūltşyldyqtyŋ aiyrmaşylyǧyn aiqyn tüsınuımız kerek.
Sapaly bılım beru men ǧylymdy damytuözektılıgın joimaityn mäsele. Būl ozyq memlekettıŋ kün tärtıbınde tūrǧan mäseleler deuge keledı. Rasymen soŋǧy jyldary ǧylym salasynda bırşama özgerıs bolǧanyn baiqau qiyn emes. Ǧylymdy qarjylandyru täsılderı jaqsaryp, qarjy kölemı edäuır artty. Ǧylymi mekemeler bırtındep jaŋǧyrtylyp jatyr. Älemge äigılı ǧylymi ortalyqtarda täjıribeden ötken mamandar sany köbeiıp keledı. Bır sözben aitqanda, jastardyŋ ǧylymǧa degen qyzyǧuşylyǧy oiana bastady. Sūhbatta Prezident naǧyz otanşyl jäne adal azamatqa tän qasietter men qūndylyqtar dep eŋbekqorlyq, bılımpazdyq, käsıbilık, bırlık, yntymaq, janaşyrlyq, ıskerlık, bastamaşyldyq, adaldyq, qarapaiymdylyq jäne ünemşıldıktı atady.Bızder, bügıngınıŋ jastary osy qasietterge adal bolsaq, jarqyn bolaşaǧymyzǧa jol aşa alamyz dep oilaimyn.
Bılım salasynda balalar üşın jaily mektepbaǧdarlamalaryn jan-jaqty ıske asyrudyŋ da maŋyzy zor bolmaq. Mūǧalımderdıŋ jalaqysynyŋköterıluı de, joǧary bılım salasynda bolyp jatqan jaǧymdy jaŋalyqtar men özgerıster de jaŋa qoǧamǧa ekpın beretın alǧyşarttar bolmaq.
Prezident sūhbatynda özektı jäne bükıl qazaq qoǧamyn alaŋdatatyn mäseleler qozǧalyp, tüitkıldı saualdardyŋ tüiınderı tarqatylypty. Halyq būl sūhbattan kökeide jürgen köptegen saualdaryna jauap ala aldy dep oilaimyn.
foto: elana.kz
