نىسانا كوزدەۋدەن ليتسەنزيالىق ازيا چەمپيوناتىندا قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرى وق اتۋدان جارىسقا قاتىسۋدا، دەپ حابارلايدى "ادىرنا" ۇلتتىق پورتالى قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
يندونەزيانىڭ دجاكارتا قالاسىندا (5-18 قاڭتار ارالىعىندا) وق اتۋدان، كۋۆەيتتىڭ ەل-كۋۆەيت قالاسىندا (12-22 قاڭتار ارالىعىندا) ستەند اتۋ چەمپيوناتى ءوتىپ جاتىر.
يندونەزياداعى جارىسقا قازاقستان رەسپۋبليكاسى قارۋلى كۇشتەرىنىڭ قىزمەتكەرلەرى ۆالەري راحىمجان، يۋري يۋركوۆ، ەلدار يمانقۇلوۆ جانە قاتارداعى اسكەري قىزمەتشى ياروسلاۆ ماحنەۆ قاتىسىپ جاتىر. سايىس بارىسىندا ارميا سپورتشىسى ۆالەري راحىمجان فينالعا شىعىپ، بەسىنشى ورىنعا يە بولدى. ال وق اتۋدان ازيا چەمپيوناتىنا ازيا قۇرلىعىنىڭ 29 ەلىنەن بارلىعى 380 سپورتشى قاتىسۋدا.
كۋۆەيتتە وتەتىن ازيا چەمپيوناتىندا 40 ەلدەن 500-دەن استام سپورتشى باق سىناماق. قازاقستان اتىنان 18 اتقىش بار. ولاردىڭ قاتارىندا اسكەري قىزمەتكەرلەر – كىشى سەرجانت اسەم ورىنباي مەن اسكەرگە شاقىرىلعان قاتارداعى الىشەر ايسالباەۆ بار.
قازاقستاندىق سپورتشىلارعا پاريجدەگى وليمپياداعا ليتسەنزيالىق كۆوتالاردى جەڭىپ الۋ مىندەتى جۇكتەلدى.
"ادىرنا" ۇلتتىق پورتالى
