Nysana kózdeýden lıenzııalyq Azııa chempıonatynda Qazaqstan Respýblıkasy Qarýly Kúshteriniń áskerı qyzmetshileri oq atýdan jarysqa qatysýda, dep habarlaıdy "Adyrna" ulttyq portaly QR Qorǵanys mınıstrliginiń baspasóz qyzmetine silteme jasap.
Indonezııanyń Djakarta qalasynda (5-18 qańtar aralyǵynda) oq atýdan, Kýveıttiń El-Kýveıt qalasynda (12-22 qańtar aralyǵynda) stend atý chempıonaty ótip jatyr.
Indonezııadaǵy jarysqa Qazaqstan Respýblıkasy Qarýly Kúshteriniń qyzmetkerleri Valerıı Rahymjan, Iýrıı Iýrkov, Eldar Imanqulov jáne qatardaǵy áskerı qyzmetshi Iaroslav Mahnev qatysyp jatyr. Saıys barysynda armııa sportshysy Valerıı Rahymjan fınalǵa shyǵyp, besinshi orynǵa ıe boldy. Al oq atýdan Azııa chempıonatyna Azııa qurlyǵynyń 29 elinen barlyǵy 380 sportshy qatysýda.
Kýveıtte ótetin Azııa chempıonatynda 40 elden 500-den astam sportshy baq synamaq. Qazaqstan atynan 18 atqysh bar. Olardyń qatarynda áskerı qyzmetkerler – kishi serjant Ásem Orynbaı men áskerge shaqyrylǵan qatardaǵy Álisher Aısalbaev bar.
Qazaqstandyq sportshylarǵa Parıjdegi Olımpıadaǵa lıenzııalyq kvotalardy jeńip alý mindeti júkteldi.
"Adyrna" ulttyq portaly
