«West Oil Software» كومپانياسى 12 قاڭتارعا دەيىن جۇمىسقا ورالماعان قىزمەتكەرلەر جۇمىسسىز قالاتىنىن ايتتى، دەپ حابارلايدى “ادىرنا” ۇلتتىق پورتالى.
«West Oil Software» جشس باسشىلىعى كومپانيانىڭ شىعىنى تۋرالى مالىمدەمە جاريالادى. كومپانيا كەلتىرىلگەن شىعىندى 499 ميلليون تەڭگەگە باعالاعان.
“ورىندالۋى مۇمكىن ەمەس تالاپتاردىڭ قويىلۋى ناتيجەسىندە كومپانياعا كۇن سايىن ماتەريالدىق شىعىن كەلتىرىلۋدە.
بۇگىنگى تاڭدا ەرەۋىلگە قاتىسۋشىلاردىڭ زاڭسىز ارەكەتىنىڭ سالدارىنان كومپانياعا شامامەن 499 ملن. تەڭگە زالال كەلتىرىلىپ وتىر. بۇل كومپانيانىڭ قارجىلىق جاعدايىنا عانا ەمەس، ەرەۋىلگە شىققان جۇمىسشىلاردىڭ وتباسىلىق بيۋدجەتىنە دە اسەر ەتەدى. ەرەۋىل باستالعاننان بەرى وسى ەرەۋىلگە قاتىسۋشىلارعا ولاردىڭ ارەكەتتەرىنىڭ زاڭسىزدىعى تۋرالى بىرنەشە رەت ءتۇسىندىرىلدى. سونىمەن قاتار ارنايى تەحنيكالاردىڭ كەزەڭ-كەزەڭىمەن جاڭارتۋ جۇمىستارى باستالعاندىعى جانە جۇمىسقا شىعۋ قاجەتتىلىگى تۋرالى حابارلاندى. كومپانيانىڭ ەرەۋىلگە شىققان جۇمىسشىلارىمەن ماسەلەنى كەلىسسوزدەر ۇستەلىندە شەشۋگە شاقىرۋ ارەكەتتەرى ءساتسىز اياقتالدى. جەكەلەگەن بەلسەندىلەر مۇنداي باستامالارعا توسقاۋىل قويىپ، ەرەۋىلدى توقتاتقىسى كەلەتىندەرگە بارلىق تالاپتار جاقىن ارادا ءبىزدىڭ پايدامىزعا شەشىلەدى دەپ ولاردى جاڭىلىستىرۋ ارقىلى ۇستاپ وتىر” دەدى كومپانيا باسشىلىعى.
"West Oil Software" جشس باسشىلىعى 2024 جىلدىڭ 12 قاڭتارىنان باستاپ زاڭسىز ەرەۋىلدىڭ جالعاسۋىنا تۇرتكى بولعان قىزمەتكەرلەردى جۇمىستان شىعارۋعا نيەتتى.
بۇل رەتتە قاراقيا اۋدانىنىڭ مانساپتىق ورتالىعىندا جۇمىسسىزدىق بويىنشا ەسەپتە تۇرعان ازاماتتاردى بوس ورىندارعا جۇمىسقا قابىلداۋ جوسپارلانۋدا.
