بۇگىن، 10 قاڭتار كۇنى ەلىمىزدىڭ ادەبيەت، مادەنيەت جانە ونەر باسىلىمى - «قازاق ادەبيەتى» گازەتىنىڭ شىعا باستاعانىنا 90 جىل تولدى، دەپ حابارلايدى “ادىرنا” ۇلتتىق پورتالى.
گازەتتىڭ العاشقى سانى 1934 جىلى 10 قاڭتاردا جارىق كورگەن. گازەتتىڭ العاشقى سانىندا «قازاق ادەبيەتى» - ۇلت مادەنيەتىن كوتەرۋدە ۇلكەن ورىن السىن» دەگەن ءسوز بەتاشار رەتىندە ۇلكەن ارىپتەرمەن تەرىلدى. العاشقى باس رەداكتور - عابيت مۇسىرەپوۆ، جاۋاپتى حاتشى - مۇحامەدجان قاراتاەۆ بولدى.
ال اقىلداستار القاسىندا ساكەن سەيفۋللين، بەيىمبەت مايلين، ءىلياس جانسۇگىروۆ، ءسابيت مۇقانوۆ سياقتى ۇلت قايراتكەرلەرى قىزمەت اتقارعان.
“قازاق ودەبيەتى” گازەتىنىڭ العاشقى جىلدارىندا ونىڭ بەتتەرىندە قازاقتىڭ كورنەكتى جازۋشىسى مۋحتار اۋەزوۆتىڭ عىلىمي-ودەبي زەرتتەۋلەرى، باسقا ماقالالارى كوپتەپ جاريالانعان. اۆتوردىڭ “قىرعىز داستانى — ماناس”، “قازاقتىڭ حالىق مۋزىكاسى جونە مۋزىكا تەاترى”، “قازاقستاننىڭ كوركەم ونەرى”، “قازاق ساحناسىنداعى اۋدارما پەسالار” اتتى ماقالالارى جارىق كوردى.
سونداي-اق، گازەت وقۋ-اعارتۋ، ءبىلىم، عىلىم سالاسىنداعى ءارالۋان كوكەيكەستى ماسەلەلەردى ءسوز ەتەدى. كينو، تەاتر سىندى كەلەلى تاقىرىپتارىن كەڭىنەن تولعاپ، بەلگىلى ادەبيەت، ونەر قايراتكەرلەرىمەن سۇحبات جۇرگىزىپ، ولاردىڭ جاڭا شىعارماشىلىق تۋىندىلارىن وقىرماندارعا تانىستىرىپ وتىرادى.
گازەتتىڭ باس رەداكتورى – داۋرەن قۋات.
