ءماجىلىس دەپۋتاتى داۋلەت تۇرلىحانوۆتىڭ ءىنىسى، 2000 جىلدارى تانىمال بولعان قازاقستاندىق ءانشى راحات تۇرلىحانوۆ ايەلىن ۇرىپ-سوققانى ءۇشىن ءۇشىن ەسكەرتۋ الدى. بۇل تۋرالى الماتى قالالىق سوتى مالىمدەدى، دەپ حابارلايدى “ادىرنا” ۇلتتىق پورتالى.
سوتتا بەلگىلى بولعانداي، 2023 جىلدىڭ جەلتوقسان ايىندا راحات تۇرلىحانوۆ ۇيىندە جانجال شىعارىپ، ايەلىن سوققىعا جىققان. سوت وتىرىسىندا ول ءوز كىناسىن مويىنداپ، ىستەگەن ىسىنە وكىنىتىنىن جەتىكىزدى. سونداي-اق، تاتۋلاسقاندارىن ايتىپ، سوتتان ءىستى توقتاتۋدى سۇرادى.
ايەلى ءىس ماتەريالدارىندا كورسەتىلگەن فاكتىلەردى راستاپ، تۇرلىحانوۆپەن تاتۋلاسقانىن حابارلادى.
زاڭ تالابىنا سايكەس، ياعني اكىمشىلىك قۇقىق بۇزۋشىلىق تۋرالى كودەكسىنىڭ 73-2 بابى (1-1 ب.) بويىنشا كوزدەلگەن اكىمشىلىك قۇقىق بۇزۋشىلىق ءۇشىن جازا - ەسكەرتۋ نەمەسە 10 تاۋلىككە اكىمشىلىك قاماققا الۋ.
«سوت قاۋلىسىمەن ت.، اقبتك-ءنىڭ 73-2 بابى 1-1 بولىگى بويىنشا اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ، ول ەسكەرتۋ تۇرىندەگى اكىمشىلىك جازاعا تارتىلدى»، - دەپ حابارلادى قالالىق سوتتان.
سوت قاۋلىسى زاڭدى كۇشىنە ەنگەن جوق.
ەسكە سالا كەتەيىك، بىلتىر كۇزدە دە راحات تۇرلىحانوۆ ايەلىن ۇرىپ-سوققانى ءۇشىن اكىمشىلىك قۇقىقبۇزۋشىلىق بويىنشا سوتقا شاقىرىلعان، بىراق ايەلى ونى كەشىرگەندىكتەن، ءبىر كەزدەرى تانىمال بولعان ءارتىس جازادان قۇتىلعان ەدى.
