Mäjılıs deputaty Däulet Tūrlyhanovtyŋ ınısı, 2000 jyldary tanymal bolǧan qazaqstandyq änşı Rahat Tūrlyhanov äielın ūryp-soqqany üşın üşın eskertu aldy. Būl turaly Almaty qalalyq soty mälımdedı, dep habarlaidy “Adyrna” ūlttyq portaly.
Sotta belgılı bolǧandai, 2023 jyldyŋ jeltoqsan aiynda Rahat Tūrlyhanov üiınde janjal şyǧaryp, äielın soqqyǧa jyqqan. Sot otyrysynda ol öz kınäsın moiyndap, ıstegen ısıne ökınıtının jetıkızdı. Sondai-aq, tatulasqandaryn aityp, sottan ıstı toqtatudy sūrady. Äielı ıs materialdarynda körsetılgen faktılerdı rastap, Tūrlyhanovpen tatulasqanyn habarlady. Zaŋ talabyna säikes, iaǧni Äkımşılık qūqyq būzuşylyq turaly kodeksınıŋ 73-2 baby (1-1 b.) boiynşa közdelgen äkımşılık qūqyq būzuşylyq üşın jaza - eskertu nemese 10 täulıkke äkımşılık qamaqqa alu. «Sot qaulysymen T., ÄQBtK-nıŋ 73-2 baby 1-1 bölıgı boiynşa äkımşılık qūqyq būzuşylyqty jasaǧany üşın kınälı dep tanylyp, ol eskertu türındegı äkımşılık jazaǧa tartyldy», - dep habarlady qalalyq sottan. Sot qaulysy zaŋdy küşıne engen joq. Eske sala keteiık, byltyr küzde de Rahat Tūrlyhanov äielın ūryp-soqqany üşın äkımşılık qūqyqbūzuşylyq boiynşa sotqa şaqyrylǧan, bıraq äielı ony keşırgendıkten, bır kezderı tanymal bolǧan ärtıs jazadan qūtylǧan edı.Ūqsas jaŋalyqtar
