«استانا – كوكشەتاۋ – پەتروپاۆل – رەسەي شەكاراسى» باعىتىنداعى اۆتوجولدىڭ ءبىر بولىگىنە شەكتەۋ قويىلدى، دەپ حابارلايدى "ادىرنا" ۇلتتىق پورتالى.
3 قاراشادان باستاپ «استانا – كوكشەتاۋ – پەتروپاۆل – رەسەي شەكاراسى» باعىتىنداعى KAZ02 اۆتوجولىنىڭ ءبىر بولىگىندە كولىك جىلدامدىعىنا شەكتەۋ ەنگىزىلدى،
«قازاۆتوجول» كومپانياسىنىڭ مالىمەتىنشە، اقمولا وبلىسى اۋماعىندا اۋا رايىنىڭ ناشارلاۋىنا بايلانىستى جۇرگىزۋشىلەرگە جىلدامدىقتى 110-نان 80 شاقىرىمعا دەيىن تومەندەتۋ قاجەت.
ال 4 قاراشا ساعات 01:00-دەن باستاپ قاراعاندى وبلىسىندا اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار «KAZ01 استانا – قاراعاندى – الماتى» اۆتوجولىنىڭ 92-164 شاقىرىم ارالىعىندا (انار ستانساسىنان تەمىرتاۋ قالاسىنا دەيىن) كولىكتىڭ بارلىق تۇرلەرى ءۇشىن جىلدامدىق شەكتەۋى 140 كم/ساع-تان 80 كم/ساع-قا دەيىن تومەندەتىلدى.
ماماندار جۇرگىزۋشىلەرگە جول ەرەجەسىن ساقتاپ، جولداعى جاعداي تۋرالى حابارلامالاردى قاداعالاپ وتىرۋدى ەسكەرتەدى.
