مەملەكەت باسشىسى قاسىم-جومارت توقاەۆ الاتاۋ قالاسىن قۇرۋ تۋرالى جارلىققا قول قويدى، دەپ حابارلايدى "ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
“1.الماتى وبلىسىنىڭ ىلە اۋدانى ودان جەتىگەن اۋىلىن ءبولۋ جولىمەن قايتا قۇرىلسىن.
2. الماتى وبلىسى ىلە اۋدانىنىڭ جەتىگەن اۋىلى وبلىستىق ماڭىزى بار قالا ساناتىنا جاتقىزىلسىن جانە ونىڭ اتاۋى الاتاۋ قالاسى بولىپ وزگەرتىلسىن.
3. قازاقستان رەسپۋبليكاسىنىڭ ۇكىمەتى وسى جارلىقتىڭ 1 جانە 2-تارماقتارىن ىسكە اسىرۋ جونىندە قاجەتتى شارالار قابىلداسىن.
4. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى",-دەلىنگەن توقاەۆتىڭ سەيسەنبىدە قول قويىلعان "الماتى وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى" جارلىعىندا.
ەستەرىڭىزگە سالا كەتەيىك، قازاقستاندا جاڭا الاتاۋ قالاسىن قۇرۋ جوسپارلانۋدا. بۇل تۋرالى 15 قاراشادا حابارلانعان بولاتىن، ال 30 قاراشادا ت8,6 ترلن ينۆەستيتسيا، F1 تراسساسى مەن گولف الاڭىن سالۋدى قامتيتىن باس جوسپار جاريالاندى.
“ادىرنا” ۇلتتىق پورتالى
