Мемлекет басшысы Қасым-Жомарт Тоқаев Алатау қаласын құру туралы жарлыққа қол қойды, деп хабарлайды "Адырна” ұлттық порталы Ақорданың баспасөз қызметіне сілтеме жасап.
“1.Алматы облысының Іле ауданы одан Жетіген ауылын бөлу жолымен қайта құрылсын.
2. Алматы облысы Іле ауданының Жетіген ауылы облыстық маңызы бар қала санатына жатқызылсын және оның атауы Алатау қаласы болып өзгертілсін.
3. Қазақстан Республикасының Үкіметі осы Жарлықтың 1 және 2-тармақтарын іске асыру жөнінде қажетті шаралар қабылдасын.
4. Осы Жарлық алғашқы ресми жарияланған күнінен бастап қолданысқа енгізіледі",-делінген Тоқаевтың сейсенбіде қол қойылған "Алматы облысының әкімшілік-аумақтық құрылысындағы өзгерістер туралы" жарлығында.
Естеріңізге сала кетейік, Қазақстанда жаңа Алатау қаласын құру жоспарлануда. Бұл туралы 15 қарашада хабарланған болатын, ал 30 қарашада Т8,6 трлн инвестиция, F1 трассасы мен гольф алаңын салуды қамтитын бас жоспар жарияланды.
“Адырна” ұлттық порталы
