قارجى ۆيتسە-ءمينيسترى ەرجان ءبىرجانوۆتىڭ مالىمدەۋىنشە، الداعى ۋاقىتتا تاكسي جۇرگىزۋشىلەرى جەكە كاسىپكەر رەتىندە تىركەلىپ، سالىق تولەۋى ءتيىس، دەپ حابارلايدى "ادىرنا" ۇلتتىق پورتال
ەندى تاكسي جۇرگىزۋشىلەرى زاڭ اياسىندا جۇمىس ىستەۋ ءۇشىن، جەكە كاسىپكەر رەتىندە سالىق تولەۋ كەرەك ەكەنىن اتاپ ءوتتى ەرجان ءبىرجانوۆ ۇكىمەتتىڭ ءباسپاسوز ورتالىعىندا.
"قازىر تاكسي جۇرگىزۋشىلەرى ءۇشىن ارنايى سالىق رەجيمى بار. زاڭعا سايكەس، ولار جەكە كاسىپكەر رەتىندە تىركەلىپ، ءموبيلدى قوسىمشا ارقىلى 1% سالىق تولەي الادى. تالاپ بويىنشا ولار مىندەتتى تۇردە سالىق ورگاندارىنا كەلىپ، تىركەلۋى كەرەك نەمەسە ءموبيلدى قوسىمشا ارقىلى ونلاين (جەكە كاسىپكەر بولىپ) تىركەلە الادى. ولارعا جاعداي جاسالعان", - دەدى ەرجان ءبىرجانوۆ.
سونداي-اق ول سالىق كودەكسىنە وزگەرىستەر ەنگىزىلۋى مۇمكىن ەكەنىن اتاپ ءوتتى.
"تاكسي جۇرگىزۋشىسى وپەراتور ارقىلى جۇمىس ىستەسە، ول سالىقتى وپەراتور ۇستاپ، بيۋدجەتكە اۋدارسا، ءبىز ونى (سالىق تولەۋ) مىندەتىنەن بوساتۋدى قاراستىرىپ جاتىرمىز. قازىر ولار قىزمەت اتقارىپ، قولما-قول اقشا الاتىن بولسا، ونداي جاعدايلار بىزدە ءجيى تىركەلىپ جاتىر. وپەراتورلار تاراپىنان مۇنداي جۇرگىزۋشىلەردىڭ رەيتينگى تومەندەپ، تاپسىرىسى ازايۋى مۇمكىن. سوندىقتان ولار (تاكسي جۇرگىزۋشىلەرى) زاڭدى جەردە جۇمىس ىستەۋى كەرەك دەپ ويلايمىن»، - دەدى ۆيتسە-مينيستر.
سونىمەن قاتار ۆيتسە-مينيستر قاراپايىم قازاقستاندىقتاردىڭ ءموبيلدى اۋدارىمدارى تەكسەرىلمەيتىنىن ناقتىلادى.
«جەكە تۇلعالارعا ءموبيلدى اۋدارىم بويىنشا شەكتەۋ جوق. جەكە تۇلعالار بۇرىنعىداي جەكە ماقساتتا تۋىستارىنا، اتا-انالارىنا ءموبيلدى اۋدارىم ارقىلى اقشا جىبەرە الادى. ولارعا شەكتەۋ قويىلماعان»، - دەدى ول.
"ادىرنا" ۇلتتىق پورتالى
