قىرعىزستان ىشكى ىستەر مينيسترلىگى بىشكەكتە بەت-الپەتىن تانۋ فۋنكتسياسى بار سىرتقى بەينەباقىلاۋ كامەرالارى ارقىلى قارجىلىق پيراميدا قۇرىپ، ونى باسقارعانى ءۇشىن ىزدەۋدە جۇرگەن ازاماتتى تىركەگەنىن مالىمدەدى، دەپ حابارلايدى "ادىرنا" ۇلتتىق پورتالى bes.media سايتىنا سىلتەمە جاساپ.
"2023 جىلدىڭ جەلتوقسان ايىنىڭ سوڭعى كۇندەرىندە بىشكەك قالاسىندا الماتى قالاسى مەدەۋ اۋدانىنىڭ پوليتسيا ءبولىمى قر قك 217-بابى «قارجى پيراميداسىن قۇرۋ جانە باسقارۋ» بويىنشا ىزدەۋ جاريالاعان قازاقستان رەسپۋبليكاسىنىڭ ازاماتى ءا.و. تىركەلدى. بۇلتارتپاۋ شاراسى – قاماۋعا الۋ", – دەلىنگەن حابارلامادا.
سيپاتتاما مەن فوتوسۋرەتكە قاراعاندا، ۇستالعان ازامات ادىلەت وراز. ايىپتالۋشى 2 جىل بويىنا ىزدەۋدە بولعان.
"قازاقستاندا 2021 جىلدىڭ ساۋىرىندە زارداپ شەككەن ينۆەستورلار پوليتسياعا ءۇش كومپانيانىڭ قىزمەتىنە قاتىستى ۇجىمدىق ارىز بەرىپ، ولاردى قارجى پيراميداسى دەپ اتادى. بۇل كومپانيالار وزدەرىن اسا تابىستى ينۆەستيتسيا سالاسىندا تابىستى ۇيىم رەتىندە كورسەتكەن. الماتىنىڭ تۋماسى بولىپ تابىلاتىن ۇستالعان ازامات ءا.و. قارجىلىق پيراميدا قۇرىپ، ونى باسقاردى دەگەن كۇدىككە ىلىنگەن (Mudarabah Capital). ولار وسى جوبانىڭ جەتەكشىلەرىن ۇستاي باستاعاندا، قاشىپ ۇلگەردى", - دەپ حابارلادى قىرعىزستان ءىىم.
سونىمەن قاتار، Mudarabah capital قارجى پيراميداسىن جارنامالاۋعا تارتىلعان ۆاينەر ءازىمجان سايدباەۆ ىزدەۋدە.
Mudarabah Capital ينۆەستيتسيالىق پيراميدا ءپرينتسيپى بويىنشا جۇمىس ىستەدى. قۇراستىرۋشىلار كليەنتتەردىڭ اقشاسى مەملەكەتتىك ساتىپ الۋ جوبالارىنا جۇمسالدى دەپ مالىمدەدى. ولارعا اي سايىن 20% پايدا ۋادە ەتىلگەن. 200 جابىرلەنۋشى Mudarabah Capital ارقىلى Astex.kz شوتىنا شامامەن 2 ميلليارد تەڭگە اۋدارعان.
باستى سوت وتكەن جىلدىڭ ماۋسىم ايىندا اياقتالدى. ايىپتامالىق كورپۋستا 12 ادام بولدى، ونىڭ ەكەۋى ۆاينەر مەيىرجان تورەباەۆ پەن مەيىرحان شەرنيازوۆ بولدى. ايىپتالۋشىلار قارجىلىق پيراميدانى جارنامالاعان. ولار بەس جىلعا باس بوستاندىعىنان ايىرىلدى. قالعان ايىپتالۋشىلار مەن قارجى پيراميداسىنىڭ جەتەكشىلەرى 6 جىلدان 17 جىلعا دەيىن باس بوستاندىعىنان ايىرىلدى.
ال ادىلەت وراز مەن ءازىمجان سايدباەۆ قاشىپ جۇرگەن.
"ادىرنا" ۇلتتىق پورتالى
