Qnet حالىقارالىق كومپانياسىن قازاقستاندا قارجى پيراميداسى دەپ تانىلدى. سونداي-اق كومپانيانىڭ قۇرىلىمدىق بولىمشەسىنىڭ باسشىلىعى تەرگەۋگە الىندى. بۇل تۋرالى قارجى مونيتورينگى اگەنتتىگىنىڭ اقمولا وبلىسىنداعى اۋماقتىق دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
قارجى مونيتورينگى اگەنتتىگىنىڭ اقمولا وبلىسىنداعى اۋماقتىق دەپارتامەنتى "Qnet"كومپانياسى حالىقارالىق قارجى پيراميداسىنىڭ قۇرىلىمدىق بولىمشەسىنىڭ باسشىلارىنا قاتىستى سوتقا دەيىنگى تەرگەۋ باستاعان.
اگەنتتىكتىڭ ايتۋىنشا، كومپانيا قازاقستان اۋماعىندا تىركەلمەگەن، كاسىپكەرلىك قىزمەتتى جۇزەگە اسىرمايدى، بانك قىزمەتى مەن بانك وپەراتسيالارىن جۇرگىزۋگە ليتسەنزياسى، رۇقساتى جوق.
بۇعان قوسا، ءىس فيگۋرانتتارىنىڭ بىرىنە قاتىستى ۇيقاماققا الۋ تۇرىندە بۇلتارتپاۋ شاراسى تاڭدالدى.
ايتا كەتەيىك، Qnet – QI توبىنىڭ نەگىزگى ەنشىلەس كاسىپورنى. 1998 جىلى نەگىزى قالانعان. گونكونگتە ورنالاسقان، تىكەلەي ساتىلىم مەن كوپ دەڭگەيلى ماركەتينگتى پايدالانادى. كومپانيا قارجى پيراميداسىن قۇردى دەپ بىرنەشە رەت ايىپتالدى.
«ادىرنا» ۇلتتىق پورتالى
