الماتىدا Mudarabah Capital قارجى پيراميداسىن ۇيىمداستىرۋشىلارعا سوت ۇكىمى شىقتى. سوت قاۋلىسىمەن مەيىرجان تورەباەۆ پەن مەيىرحان شەرنيازوۆ بەس جىلعا باس بوستاندىعىنان ايىرىلدى، دەپ حابارلايدى “ادىرنا” ۇلتتىق پورتالى.
تورەباەۆ پەن شەرنيازوۆتان باسقا سوتتالۋشىلاردىڭ بارلىعى دەرلىك قىلمىستىق كودەكستىڭ ەكى بابى بويىنشا كىنالى دەپ تانىلدى. اتاپ ايتقاندا 217-باپ - «قارجى پيراميداسىن قۇرۋ جانە باسقارۋ»، سوسىن 262-باپ - «ۇيىمداسقان توپ، قىلمىستىق ۇيىم قۇرۋ جانە باسقارۋ».
ۆاينەرلەر تەك 217-باپ بويىنشا كىنالى دەپ تانىلدى. سوت ۇكىمىمەن كۇدىكتىلەرگە باس بوستاندىعىنان ايىرۋدىڭ ءتۇرلى مەرزىمدەرى تاعايىندالدى.
مەيىرجان تورەباەۆقا ەڭ تومەنگى قاۋىپسىزدىك كولونياسىندا بەس جىل باس بوستاندىعىنان ايىرۋ جازاسى تاعايىندالسىن. مەيىرحان شەرنيازوۆ ەڭ تومەنگى قاۋىپسىزدىك كولونياسىندا بەس جىل جازاسىن وتەسىن، – دەلىنگەن سوت ۇكىمىندە.ايتا كەتەيىك، بىلتىر 12 جەلتوقساندا قارجى پيراميداسىن قۇردى دەپ ايىپتالعان تانىمال ۆاينەرلەردىڭ ءىسى سوتقا جولدانعان بولاتىن. قاداعالاۋ ورگانىنىڭ مالىمەتىنشە، قىلمىستىق ءىستىڭ نەگىزىندە 41 جىلجىمايتىن مۇلىككە، 3 اۆتوكولىككە، 9 بانك شوتىنا جانە 16 كومپانيانىڭ جارعىلىق كاپيتالىنداعى ءارتۇرلى ۇلەستەرگە تىيىم سالىنعان
ۇقساس جاڭالىقتار
