قازاقستاندا عانا ەمەس، سونىمەن قاتار تمد ەلدەرىندە دە جۇمىس ىستەگەن «1WIN» ونلاين-كازينوسىنىڭ زاڭسىز قىزمەتىنە قاتىستى سوتقا دەيىنگى تەرگەۋدى الماتى وبلىسى بويىنشا افم دەپارتامەنتى جۇرگىزىپ جاتىر، دەپ حابارلايدى “ادىرنا” ۇلتتىق پورتالى ۆەدومستۆانىڭ ءباسپاسوز قىزمەتىنە سىلتەمە جاساپ.
زاڭسىز ويىن بيزنەسىن ۇيىمداستىرۋمەن قاتار، ونلاين-پلاتفورما ءتيىستى ليتسەنزياسىز بۋكمەكەرلىك قىزمەتتەر دە كورسەتكەن. بۇل رەتتە اقشالاي قاراجات ينتەرنەت-ەكۆايرينگ ارقىلى جانە اۋتەنتيفيكاتسياسىز قابىلداندى، بۇل ءتىپتى كامەلەتكە تولماعاندارعا دا قۇمار ويىندارعا قاتىسۋعا مۇمكىندىك بەرەدى.
2023 جىلى ونلاين-كازينو اينالىمى شامامەن 4 ملرد تەڭگەنى قۇرادى.
قازىرگى ۋاقىتتا تەرگەۋ جالعاسۋدا، ونلاين-كازينو سايتى بۇعاتتالدى، ءتورت ۇيىمداستىرۋشى حالىقارالىق ىزدەستىرۋگە جاريالاندى، تاركىلەنۋگە جاتاتىن مۇلىككە جانە جالپى سوماسى 1,5 ملرد تەڭگەگە اقشالاي قاراجاتقا تىيىم سالىندى. بۇل رەتتە "Mercedes-Maybach S500" جانە "Lamborghini Huracan"اۆتوكولىكتەرى تاركىلەندى.
“ادىرنا” ۇلتتىق پورتالى
