وزبەكستان اۆياتسيانىڭ كومەگىمەن ارال تەڭىزىنىڭ تۇبىنە سەكسەۋىل ەگۋگە نيەتتى. بۇل تۋرالى Podrobno.uz سايتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، سەكسەۋىلدى ەگۋ ءۇشىن توتەنشە جاعدايدىڭ ۇشاقتارى پايدالانىلادى. تجم-ءنىڭ ينجەنەرلىك قورعاۋ جانە قۇرىلىس-قالپىنا كەلتىرۋ جۇمىستارى باسقارماسىنىڭ قىزمەتكەرلەرى سەكسەۋىلدىڭ تۇقىمىن دايىنداپ جاتىر.
ارال تەڭىزىنىڭ تۇبىندەگى ەگىس ماۋسىمى جاقىن ارادا باستالادى. سۋدىڭ كەۋىپ كەتۋىنە بايلانىستى ەكولوگيالىق اپاتتىڭ سالدارىن ازايتۋ ءۇشىن قۇرعاق ارالدىڭ تۇبىنە ورمان ەكپەلەرىن قۇرۋ جونىندەگى مەملەكەتتىك باعدارلاما اياسىندا جۇمىستار جۇرگىزىلۋدە.
“وتكەن جىلدارى تجم جانە ورمان شارۋاشىلىعى اگەنتتىگىنىڭ كۇشىمەن قۇرعاق ايماق اۋماعىندا ءشولدى وسىمدىكتەرمەن وراسان زور ورمان القاپتارى قۇرىلدى»، – دەلىنگەن تجم حابارلاماسىندا.
سونداي-اق، ارالدى كوگالداندىرۋعا حالىقارالىق كومپانيالار دا قاتىسادى. سERIELL Group ۇستىرت ەكسپەديتسياسى اياسىندا ارال وڭىرىنە 2000 اعاش وتىرعىزدى. ونىڭ ىشىندە 250 شاعان، 250 قاراعاي جانە 1500 سەكسەۋىل بار. ال كۇزدە "ياشيل ماكون" اكتسياسى ءوتتى، وندا وزبەكستاندىقتار مۋيناك اۋدانىنداعى ارال ماڭىنداعى ۋچاسكەلەردە 28 مىڭ گەكتار جەردى كوگالداندىردى.
