Ózbekstan avıaııanyń kómegimen Aral teńiziniń túbine sekseýil egýge nıetti. Bul týraly Podrobno.uz saıty jarııalady, dep habarlaıdy “Adyrna” ulttyq portaly.
Aqparatqa sáıkes, sekseýildi egý úshin tótenshe jaǵdaıdyń ushaqtary paıdalanylady. TJM-niń ınjenerlik qorǵaý jáne qurylys-qalpyna keltirý jumystary basqarmasynyń qyzmetkerleri sekseýildiń tuqymyn daıyndap jatyr.
Aral teńiziniń túbindegi egis maýsymy jaqyn arada bastalady. Sýdyń keýip ketýine baılanysty ekologııalyq apattyń saldaryn azaıtý úshin qurǵaq Araldyń túbine orman ekpelerin qurý jónindegi memlekettik baǵdarlama aıasynda jumystar júrgizilýde.
“Ótken jyldary TJM jáne orman sharýashylyǵy agenttiginiń kúshimen qurǵaq aımaq aýmaǵynda shóldi ósimdiktermen orasan zor orman alqaptary quryldy», – delingen TJM habarlamasynda.
Sondaı-aq, Araldy kógaldandyrýǵa halyqaralyq kompanııalar da qatysady. SERIELL Group Ústirt ekspedıııasy aıasynda Aral óńirine 2000 aǵash otyrǵyzdy. Onyń ishinde 250 shaǵan, 250 qaraǵaı jáne 1500 sekseýil bar. Al kúzde "Iashıl makon" akııasy ótti, onda ózbekstandyqtar Mýınak aýdanyndaǵy Aral mańyndaǵy ýchaskelerde 28 myń gektar jerdi kógaldandyrdy.
