اتىراۋ وبلىسىندا جۇمىسشىلار ەرەۋىلگە شىقتى، دەپ حابارلايدى "ادىرنا" ءتىلشىسى Ulysmedia.kz-كە سىلتەپ.
ماقات اۋدانىندا قاشاعان كەن ورنىندا قۇرىلىسشىلار ەرەۋىلگە شىعىپ، جالاقىنى كوتەرۋدى تالاپ ەتكەن.
BBJ Group كومپانياسىنىڭ ەرەۋىلگە شىققان 50-گە جۋىق جۇمىسشىسىنا ديرەكتوردىڭ ورىنباسارى جاۋاپ بەردى. ول قىزمەتكەرلەرىنىڭ تالابىن ورىنداۋدان باس تارتىپ، جۇمىستى توقتاتىپ تاستاعان.
«ەرەۋىلدى توقتاتۋ، ءتۇسىندىرۋ جۇمىستارىن جۇرگىزۋ جانە جاعدايدى بەيبىت جولمەن شەشۋ ءۇشىن وقيعا ورنىنا اۋدان اكىمدىگىنىڭ، اۋداندىق پروكۋراتۋرا قىزمەتكەرلەرى جانە «قازاق قۇرىلىس توبى» جوبالىق باسقارۋ توبىنىڭ جەتەكشىسى كەلدى. كەلىسسوزدەر بارىسىندا تاراپتار ماقات اۋدانىنىڭ اكىمدىگى BBJ GROUP كومپانياسىنىڭ باسشىلىعى مەن قىزمەتكەرلەرى ءۇشىن كەلىسسوزدەر ۇيىمداستىراتىنى تۋرالى ءوزارا شەشىمگە كەلدى»، - دەپ حابارلادى ماقات اۋدانىنىڭ اكىمدىگى.
اتالمىش گاز وڭدەۋ زاۋىتى اتىراۋ قالاسىنان 60 شاقىرىم جەردە «بولاشاق» كەشەندى مۇناي وڭدەۋ زاۋىتىنىڭ جانىنان سالىنۋدا.
