Qarakölde 601 aqqu ölı tabyldy, dep habarlaidy "Adyrna" tılşısı Zakon.kz-ke sıltep.
Maŋǧystau oblysyndaǧy Qaraköl kölınde 601 sybyrlaq aqqudyŋ ölgenın oblystyq orman şaruaşylyǧy jäne januarlar düniesı aumaqtyq inspeksiiasy rastap otyr. Oblystyq aumaqtyq inspeksiiasynyŋ basşysy Ǧabbas Dosatov ölgen qūstar turaly aqparat berdı.
"2023 jyldyŋ 21 jeltoqsanynda Qaraköl kölınde aqqulardyŋ ölgenı turaly alǧaşqy habarlama tüstı. Bız QR Auyl şaruaşylyǧy ministrlıgı Veterinariialyq baqylau jäne qadaǧalau komitetıne qarasty Veterinariia ūlttyq referenttık ortalyǧynyŋ mamandaryna, Qazaqstannyŋ Mikrobiologiia jäne virusologiia institutynyŋ mamandaryna habarlastyq. Olar zertteu jürgızu üşın mamandaryn aqqu öleksesınen synama aluǧa jıberdı. 6 qaŋtardaǧy jaǧdai boiynşa bız 601 bastyŋ ölımın tırkedık. Ölgen aqqudyŋ 90%-dan astamy – balapany. Bız Qazaqstannyŋ bioärtürlılıgın saqtau qauymdastyǧynyŋ ornitologtarynan qosymşa zertteu jūmystaryn kütemız",- dedı ol.Äzırge aqqulardyŋ neden ölgenı turaly aqparat joq.
Ūqsas jaŋalyqtar
