ورالدا جول اپاتىنان ءبىر ادام قايتىس بولدى، دەپ حابارلايدى "ادىرنا" ءتىلشىسى.
6 قاڭتار كۇنى كەشكى ۋاقىتتا ورالدا جول اپاتى بولدى. ءۇش كولىك سوقتىعىسىپ، بەس ادام زارداپ شەكتى. ءبىر ناۋقاس اۋرۋحاناعا بارا جاتقان جولدا كوز جۇمدى.
باتىس قازاقستان وبلىسىنىڭ پوليتسيا دەپارتامەنتى ورالداعى "وقتان" جانار-جاعارماي قۇيۋ بەكەتى ماڭىنداعى اينالما تاسجولدا ءۇش كولىكتىڭ قاتىسۋىمەن جول اپاتى بولعانىن مالىمدەدى.
"جول اپاتىنان بەس جولاۋشى زارداپ شەكتى. ولار اۋرۋحاناعا جەتكىزىلدى. ءبىر جولاۋشى اۋرۋحاناعا بارا جاتقان جولدا قايتىس بولدى", - دەلىنگەن حابارلامادا.قازىر قىلمىستىق كودەكستىڭ 345-بابىنىڭ 3-بولىگى بويىنشا سوتقا دەيىنگى تەرگەۋ امالدارى باستالعان.
ۇقساس جاڭالىقتار
