ورال قالاسىندا رەسەيلىكتەرگە پاتەرىن زاڭسىز جالعا بەرىپ، سالىق تولەمەگەن 70 قازاقستاندىق انىقتالدى. بۇل تۋرالى "استانا" تەلەارناسى حابارلادى، دەپ جازادى "ادىرنا" ۇلتتىق پورتالى.
ءتارتىپ بۇزۋشىلاردى پوليتسيا رەيد جۇرگىزۋ بارىسىندا انىقتادى. مەملەكەتتىك كىرىستەر دەپارتامەنتىنىڭ مالىمدەۋىنشە، مۇنداي فاكتىلەر كوبىنە انونيم حابارلامالار ارقىلى اشىلىپ جاتادى.
ەستەرىڭىزگە سالا كەتەيىك، رەسەيدە ءىشىنارا موبيليزاتسيا جاريالانعاننان كەيىن ورال وڭىرىنە 70 مىڭ شەتەلدىك كەلدى. تۇرعىن ءۇيدى جالعا الۋ جانە جولاۋشىلار تاسىمالداۋ ەكى ەسە قىمباتتادى. سىرتتان كەلگەندەردلەن اقشا تاۋىپ، سالىق تولەمەگەن 70 قازاقستاندىق انىقتالدى. بەس ادامعا قاتىستى اكىمشىلىك ءىس قوزعالىپ، ولار 45 مىڭ تەڭگەدەن ايىپپۇل تولەدى.
"سالىقتان جالتارعان وسى ادامدار بويىنشا اكىمشىلىك ماتەريالدار جيناستىرىلىپ، سوتقا جولداندى. سونداي-اق، وسى بۇزۋشىلىقتار اكىمشىلىك كودەكستىڭ 463-بابىنا سايكەس 15 اەك مولشەرىندە ايىپپۇل سالۋعا اكەلىپ سوعاتىنىن حابارلاعىمىز كەلەدى", - دەدى بقو بويىنشا دەدى بقو بويىنشا مەملەكەتتىك كىرىستەر دەپارتامەنتىنىڭ باس مامانى ابىلاي مالاەۆ.
قازىرگى ۋاقىتتا ورالدا شامامەن 2,5 مىڭعا جۋىق رەسەيلىك تۇرىپ جاتىر. شەكاراداعى جاعداي الدەقاشان تۇراقتالىپ، تۇرعىن ءۇي جالداۋ اقىسى تومەندەدى. پاتەردى اي سايىن جالعا الۋ قۇنى – 50-دەن 100 مىڭ تەڭگە ارالىعىن قۇرايدى. وسىعان قاراماستان، باسپانانى زاڭسىز جالعا بەرۋ مەن زاڭسىز تاسىمالداۋ فاكتىلەرىن انىقتاۋ بويىنشا جۇمىستار جالعاسۋدا.
"ادىرنا" ۇلتتىق پورتالى
