پرەزيدەنت توقاەۆ ۋكرايناداعى جاعداي تۋرالى ايتتى

14537
Adyrna.kz Telegram

قازاقستان رەسەي مەن ۋكرايناعا جاعدايدى رەتتەۋگە جان-جاقتى كومەك كورسەتۋگە، سونىڭ ىشىندە مەدياتسيا قىزمەتتەرىن كورسەتۋگە دايىن، دەدى پرەزيدەنت «امانات» دەپ اتاۋدى ۇسىنعان پارتيانىڭ سەزىندە، دەپ حابارلايدى «ادىرنا» ۇلتتىق پورتالى.

قاسىم-جومارت توقاەۆ بۇعان دەيىن قابىلدانعان مينسك كەلىسىمدەرى قاعاز جۇزىندە قالىپ، ۋكراينا اۋماعىندا اسكەري وپەراتسيالارعا الىپ كەلگەنىن ايتتى.

— گەوساياسي جاعداي بۇرىن-سوڭدى بولماعان جاعدايدا ۋشىعىپ كەتتى، ەندى وكىنىشكە وراي، بۇل ءۇردىستىڭ قايتىمسىزدىعى تۋرالى ايتۋدىڭ ۋاقىتى كەلدى. سوندىقتان ءبىز ەكى مەملەكەتتى كەلىسسوز ۇستەلىندە ورتاق ءتىل تابۋعا، كەلىسىم مەن بىتىمگەرشىلىككە كەلۋگە شاقىرامىز. باسقا امال جوق. جاقسى جانجالدان، تاقىر تاتۋلىق ارتىق. بەيبىتشىلىك بولماسا، دامۋ دا بولمايدى. قازاقستان ءوز تاراپىنان، ارينە، قاجەت بولسا، دەلدالدىق قىزمەتتەردى قوسا العاندا، بارلىق كومەك كورسەتۋگە دايىن، دەدى مەملەكەت باسشىسى.

پرەزيدەنت قاۋىپسىزدىك كەڭەسىندە بىرقاتار جۇمىس كەزدەسۋلەرىن وتكىزىپ، سانكتسيالىق قاراما-قايشىلىقتىڭ بۇرىن-سوڭدى بولماعان شيەلەنىسۋى جاعدايىندا قازاقستاننىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋ بويىنشا ۇكىمەتتىڭ الدىنا ناقتى مىندەتتەر قويدى.

داعدارىس جاعدايىندا ۇزدىكسىز جۇمىس ىستەۋىن قامتاماسىز ەتۋ ءۇشىن ەكونوميكامىز سانكتسيالىق سىن-قاتەرلەرگە قارسى تۇرۋعا دايىن بولۋى كەرەك، دەدى قاسىم-جومارت توقاەۆ.

"ادىرنا" ۇلتتىق پورتالى

پىكىرلەر